Menu principale:
Scrivu
Scrivu, cusí pe casu, o pe divertimentu,
pigghjandu ncunu fattu o ncunu avvenimentu.
Scrivu sinnò mi ncrisciu nommu fazzu nenti,
scrivu prima pe mmia, e doppu pe la genti.
Scrivu penzandu, o purumenti i gettu
nu pocu pe passioni, nu pocu pe dilettu.
Scrivu adduvi sugnu, sempre e in ogni locu,
cusì comune mi veni, tantu, oppuru pocu.
Scrivu, pe così diri, tutta la verità,
possibili che i veru no nc’è mancu na mità.
Scrivu di cosi seri o magari su mbentati,
si dintra vi viditi, no vi la pigghjati.
Scrivu, si mi riesci, pe fari n'arrisata,
pe rallegrari l'animu na ura o na jornata.
Affruntata
San Giuvanni decollatu,
cu lu sguardu spanticatu,
vai fujendu pemmu abbisi,
mamma, figghju e lu paisi.
Ogni vota chi tu passi,
tutti pistanu li mani;
a speranza ca chi nci dassi
puru a pasca pe domani.