Menu principale:
U puditru
Ca cofineda ntesta, cummari Nunziata,
u faddali subba a panza, cuminciava a jornata.
Caminava a passu sbertu cu nte mani nu panaru,
ca cumpari Ciccu u lestu l’aspettava nto pagghjaru.
E ndavia tutti i raggiuni, no potìa cchjù tardari,
a sua ciuccia Rosineda avia prestu di figghjari.
Doppu tanti sufferenzi e tri uri chi sgramava,
mpari Ciccu cu destrizza u puditru nci tirava.
Chistu eventu a Nunziata fici tanta meravigghja
prima vota nta la vita vitti a ciuccia come figghja.
Capiscìu comu fici u puditru pe nesciri,
no sapia i nudu modu comu fici pe trasiri.
Stu penzeri appena dittu nci rotiava di no pocu,
e a facci arrussicava comu vampa di lu focu.
A sta puntu mpari Ciccu, approfitta i l'occasioni,
si fa presto lu maistru e nci duna na lezzioni.
Si a facci ancora vruscia e a panza movi e trema,
ti la fazzu vidiri io comu a fimmana si mprena!
A lotteria
San Jennaru mio, arrassati di docu,
ca Santu Nicola, pigghja lu toi locu.
Tempu ndi passau e tu no mantenisti,
l'unica promissa chi a mia mi facisti.
Na sula cosa io ti cercavi a tia,
u vinciu pe na vota a lotteria.
No sacciu quantu juri ti portavi,
no cuntu i candili chi appicciavi.
Dassavi io perfinu lu lavuru,
pe aviri tantu tempu mu t'aduru.
Dintra a cucina e puru nto giardinu,
u ti pozzu pregari, armavi l'artarinu!
E avia u mi guardu puru di vicini,
ca di mbidia, malonova, eranu chjni!
A tia, mberità, no ti custava nenti,
e io potia finiri di fari lu pezzenti.
Mi dicisti quandu ti vinni a dumandari:
nu catinazzu di bigliettu armenu u voi accattari?