Menu principale:
Amuri passatu
Amuri mio i na vota, chi ti cogghju?
Na rosa gialla e russa sula vogghju,
nta l’amuri toi cchjù no n’ammogghju,
comu lu pani tostu dintra all’ogghju.
Ricordi li promisi chi facimmu
quantu carizzi e vasi chi ndi demmu
ca puru ndi giurammo amuri eternu;
era sulu paradisu, e mai nu mpernu!
……………………………………
Nommu ti pari stranu si ma pigghju
ma no si bonu mancu pe nu figghju,
apposta mo ti dassu e n’atru pighju.
Vogghju na criatura: natru gigghju.
…………………………………….
Passau lu tempu e passau puru mbanu,
ma nudu figghjoledu tenisti di la manu,
volivi a tutti i costi u fai la mamma,
nu picciridu mbrazza pe la nanna;
ma chidu chi no n’è cchjù distinatu
si no n’è beru no po esseri mbentatu.
……………………………………..
Ti presentasti a mia pe lu perdunu,
no jisti ncerca i nudu, o i carcunu,
tornasti coci coci o vecchju amuri
chi ormai s’avia scordatu lu doluri.
U miraculu
Pa sarvizza di l’anima e du cori,
savi i penzari prima mu si mori!
Cusì si organizza nu viaggiu
pe jri a Loudes in pellegrinaggiu.
Pe quantu lu tragittu è longu assai
nudu si ntisi lamentari mai,
tantu era grandi lu spirtiu devotu
ca a la Madonna l’avenu cunzagratu.
Dui jorna di viaggiu e arrivaru
sulu l’autista cercava nu riparu;
no vrazza e no gambi si sentìa
nu sonnu bellu longu nci volìa.
Mancu la forza m’arriva a na barella,
addormentatu catti nta na carrozzella.
No n’era adattu, u postu pe dormiri
ma s’adattava, no sapendo duvi jiri.
I pedi e li carcagni nci acciuncaru,
e cusì, tutti quanti lu trovaru.
Jendu mu si leva, caminava traballandu,
e appressu tutta a genti chi gridandu,
cu mani e occhj o Cielu chi dicia:
“Miraculu facisti, o Virgini Maria!”