Menu principale:
U porcu
Avia nu porceduzzu e mu criscìa
com’idu nteparaggi no nd’avia.
Mi lu pascia cu tantu caru amuri
da carni già gustava lu sapuri.
Era di razza bona, era landraci
cu vinni vinni, eppi u si ndi vaci,
ca io no lu criscia pe vindiri,
nta famijja l’avemu i cunzumari.
Ndavemu i fari na grandi mangiata
cu capicodu, vuccularu e suppressata.
E pe mangiari avia arrobba genuina
grodata a sira e favi la matina.
U jornu i festa era puru speciali
era trattatu comu nui, tali e quali.
Nu jornu ndi levammu i bon matinu
fìcimu a gara a cui arrivava u primu
pe carriari u tripodu ca coddara
pe sistemari a furca e a paricchjara.
Quand’era prontu puru lu curtedu
jmmu u pigghjamu u porcu nto zimbedu.
Spettaculu tremendu si parau davanti,
oh meravigghja, u zimbedu era vacanti.
Nta notti ammucciuni si ndi jru
e lu miu amatu porcu si futtiru.
No servi oramai ca mi disperu
mancu si mi sciuppu e mi rinnegu.
Però mali no nci ndi vogghju a cui su untruppa,
ma a jestima chi ncimandu è mu nci ngruppa.
U viagra
Mo fa l’annu chi Betta filava,
mo fa l’annu chi Betta cuntava,
mo fa l’annu chi Betta ciangìa,
mo fa l’annu cu so amatu moria.
mo fa n’annu, nu misi, nu jornu,
chi moriu, cusì, senza scornu.
Pe no fari figura chhiù magra,
s’agghjuttiu du cumpetti i viagra.
Ma nu ‘nzurtu ‘nto mejju u pigghjau,
e cchjù tostu i na petra restau.
U penzeri cchjù grandi, è però lu vestiri,
ca li cazi no cazzu ‘nci ponnu mentiri.
Izanci a gamba, movi stu pedi,
abbascia u piruni, nu pocu pe arredi.
No n’è tantu u vestitu, penza ‘ncorchidunu,
no s’accuppa u tambutu, dici chhjù di unu.
Doppu n’annu passutu, nci tornanu a menti,
ma Betta giurau: amanti cchjù nenti.
Fu troppu forti u schjantu pigghjatu,
e si magari, nciveni a’ncun’atru?