Menu principale:
A cumpessioni
Acciupreviti mio caru, veniti e cumpessati,
ca l’anima mia è chjna di peccati.
Vogghjiu mu mi libaru di tutti chisti pisi,
u mi pozzu fari armenu quattru arrisi.
Sentiti ca vi cuntu chidu chi mi mbattiu,
l’assoluzioni vogghju pe quantu succediu.
Pe nu lavuru i finu fu chiamatu,
ca tanti cosi rutti aju aggiustatu.
Apriu na bella gnura cu i ncodu na suttana,
sberta mi portau duv’era la funtana.
Finivi u lavuru e prestu m’indijia,
ca na vogghja strana pe pocu mi cogghja.
Misi i mani nta burzilla, no trovandu lu dinaru,
annacandusi nu pocu m’ammustrava lu panaru!
Cu a forza i na cavada, i mani ida mi tinni,
subba a facci mi stricava, forti forti puri i minni.
Certi cosi, io vi giuru, pemmu i fazzu no volìa,
ma u diunu era tantu, l'astinenza mi futtia.
Ma a frunti du parrinu era chjna di sudura,
torcendusi nu pocu cambiau la sua postura.
Cu lu stranu movimentu quattru fotu jiru nterra,
videndu mia mugghjeri, eru prontu u fazzu guerra!
Tentazzioni
Nu pomeriggiu i lugliu cu suli chi cocia,
na beda giuvaneda s’abbicinau a mia.
Cu fari aggrazziatu, senza prepotenza,
mi cercau ncuna cosa, ca nci dolìa a panza.
È da ajeri chi no mangiu, a panza mia è vacanti,
dammi ncunu sordu, ne vogghju tutti quanti.
Una apprressu a n’atra, vui siti tutti oguali,
u bagnu tu poi fari ca no ti faci mali.
Cu nu gestu dilicatu m’accarizzau u pizzu,
cu quattru sordi, dissi, ti fazzu nu servizzu.
I toi bellizzi, si, fannu girari a testa,
no sempri, tu capisci, ca si po’ fari festa.
I sordi ti li dugnu cu cori e senza restu,
ricogniti a casa e fallu presto prestu.
No caju nto tranellu, no su tantu arrapatu,
su patri di famigghja e sugnu maritatu