Menu principale:
A vogghja
Nto cori di la notti, verzu l'una
nu peditozzu sbertu chi camina,
è Ciccu, cu la grandi sua fortuna
vaci pemmu trova a Zarafina.
Di tantu tempu l'avia idu aspettatu,
di quando l'abbistau nprocessioni,
di tandu u cori soi si fu ngrossatu
chi s'inchju sempri cchjù di passioni.
Si vittaru affujendu nto mercatu,
nu gruppu nta la gula nci nchjanau,
no parola, no salutu fu scangiatu
ca na grandi caluria li pigghjau!
U jornu comu a notti nci passava
no fatiga e no doluri idu sentia
ma a vvoti era fermu chi ascoltava
u sangu chi nte vini nci curria.
E quandu finarmenti vinni l'ura,
si preparau cu tutti i sacramenti,
aspettava cu anzia pemmu scura
chi a a scena ripassava nta la menti!
Era sicuru ca potia dimostrari
quantu era capaci pemmu duna.
Ma nto megghju si finiu d'ammusciari
senza u ndi cunchjiudi mancu una!
No n'era certu a vogghja chi mancava,
no n'era u desideri chi jia arredi,
ma era lu penzeri chi tornava
di la scumparsa cara sua mugghjeri,
quantu immenzamenti idu l'amava
s'indaccorgiu facendu lu misteri!
A Delia
Notti e jornu m'indija,
quandu sulu e quandu ncumpagnia.
Na beda giuvaneda avia i trovari
ch'era venuta l'ura i maritari.
Ca fatighi, ca fai tantu oppuru pocu
senza famigghja, mi pari no nc'è scopu.
Di rosa era vestuta e si girau
di corpu lu mio cori si pigghjau.
A chi tu cuntu, e senza cchjù penzari
finimmu allegramenti sull'artari.
No portau no beni e no ricchizzi,
no oru e no cuverti cu li pizzi,
ma mi dezi tuttu chidu chi tenia
anima e corpu e tuttu ciò ch'avìa.
Tuttu dassau e da casa s'indiju
e puru ncapu o mundu mi seguiu.
Quantu cosi cangiau e quantu fici
pa casa, pe parenti e pe l'amici!
A vita di sposini fu n'avventura
pe quindic'anni e cchjù fu tantu dura;
ma na stida arredi i natra s'appicciau,
e n'atra ancora nmpini illuminau,
tutta a casa nostra e puru i cori:
furu tri figghj belli, tri tesori!
Utempu passa, e idi vannu a criscìri
ma pe la mamma su sempri criaturi.
Cui quindici, e cui vint'anni avi
su giuvanedi cari, e tantu bravi!
ma no manca occasioni a sti nocenti
mu nci ripeti sempri: “stati attenti!”