23. Re Carr - 24. I pruppi (i Guidu) - Vernacolo Calabrese - UNREGISTERED VERSION

Vai ai contenuti

Menu principale:

23. Re Carr - 24. I pruppi (i Guidu)

Poesie Prima Parte

Re Carru

Re Carru tornava di la pisca,
nci avia jettatu l’isca
e pisci ammenzu o mari.
Marinaiu assai provettu,
no stava mai nto lettu
c'avia sempri i chi fari.
Notti e jornu ndaffaratu,
cu la chiavi e cu lu catu
i pisci volia pigghjari.
O sulu o ncumpagnia,
a mari sempri ija
ca barca pe piscari.
No nc’era mai na vota,
cu vastuni o ca carota
chi u motori volia partiri.
Ma la scusa, povaredu,
l’avia sempri nto cistedu:
è a candila i cangiari.
Ogni tantu, finarmenti,
doppu tanti patimenti
venia l’ura d’appicciari.
Cu la coffa e cu la lenza,
senza mancu mu nci penza
a largu li ija a jettari.
Tira tira ca ti sciuppu,
di na tracina e nu pruppu
s’avia d’accuntetari.
S’era pocu lu piscatu,
no n’era mai arraggiatu,
ca si fa pe passatempu
e no pe giuramentu.
Ma a fini da jornata,
avi sempri na trovata,
mai lu trovi scunzulatu
ca nc’è sempri lu mercatu.

I pruppi (i Guidu)

Aju, pe cusì diri, pocu i fari
m’armu di maschera e m’indi vaju o mari.
Mi carricu li figghji e la mugghjeri,
pinni, fiocina e mi li portu arredi.
U megghju divertimentu chi poi trovari,
è ijri a mari uri e uri pe piscari.
Doppu ncun’ura passata pe dormiri
veni u mumentu e a pruppi aju i jri.
Nudu mi tratteni, ca è na passioni,
a pranzu a cena e puru a culazzioni,
fritti, mbrodu, gugghjuti oppuru all’ogghju
mi fazzu preparari propriu comu vogghjiu.
Fazzu nu tuffu e vaju pemmu i trovu
fina a chi no ndi pigghju tanti no mi movu.
Canusciu ogni petra e ogni roccia
sacciu duvi u pruppu va u s’ammuccia.
No portu no cistedu e mancu nu rituni
mi mentu nta li sacchi du costumi.
Su vivi e su sempri in movimentu
e mi procuranu tantu godimentu.
Quando aju li sacchi belli chjni
mi ricogghju mu i divacu nto cistuni.
All’attu i nesciri di lu mari,
viju però tanta genti guardari,
mi fissanu e no saccju lu motivu
vorria pemmu m’ammucciu cu nu crivu.
Appressu ncunu amicu mi lu spega,
mugghjerima tenta mbanu mu lu nega,
ca u tentaculu du pruppu nescia i fora
e tra na gamba e n’atra facìa l’ura.
Ma, pe nu fattu di chisti, mai saputu
pecchì hannu a penzari ch’è minutu?

 
Torna ai contenuti | Torna al menu