I 60 anni i Lucia
Nesciu nta nu paisi ccà vicinu,
di Briaticu è San Costantinu.
Urtima di famigghja numerosa,
di li parenti fu a cchjù bella rosa.
Crisciu, e cu sacrifici studiau,
cu grandi soddisdazioni si lauriau.
Frattantu canusciu a Sarvaturi,
s'annamurau, ca è nu gran signuri.
Di dui figghjoli faci a brava mamma,
prestu nci tocca u faci puru a nanna!
U misteri soi é mu faci scola,
no vidi l'ura pemmu si ndi vola,
dassa maritu e sordi di cuntari,
a scola aspetta, e avi di scappari.
Fisicu asciuttu, ca pari dilicata
no certu ti ndi fai na mangiata,
A dominica mpini, menti tuttu i parti,
aspettanu l’amiche pe na jocata e carti.
L’atri s’ammuccianu, ma ida si li vanta,
ndi faci gran parrari di li soi sessanta.