Storia e Folklore Calabrese |
Folklore calabrese Indovinelli calabresi
L'indovinello è un breve componimento dalle origini remote
che ha lo scopo d'intrattenere piacevolmente amici e
familiari.
1 - Bellu a vidìri, bellu a 'ccattari1, lu lìnchiu2 di carni e lu lasciu stari. 'A nedu (L'anello) 2 - Sutta o' ponti di bell'acqua 'nc'è 'na donna crimentina, 'nci lùcinu l'occhi comu 'na gatta: fìgghiu di rre cu' l'indovina. 'A 'ngida (L'anguilla) 3 - Cu' lu fa', lu fa' pe' vìndiri, cu' lu 'ccatta3 non 'nci servi, cu' 'nci servi no' lu vidi. 'U tambutu (La bara) 4 - Nasci grandi e mori pìcciula. 'A candila (La candela) 5 - Virdi nasci, virdi pasci, virdi mori. 'U citrolu (Il cetriolo) 6 - Haju 'na tafareda4 di cerasi5, 'a sira 'i menti e 'a matina 'i trasi. 'U celu stidatu (Il cielo stellato) 7 - Omani e omani si fa, fìmmani e omani puru, fìmmani e fìmmani no. 'A cumpessioni (La confessione) 8 - Oh chi mamma sbenturata, fa' li fìgghi tra li spini, cu' la testa 'ncurunata, ricamata di rubini. 'U ficadìndiu (Il fico d'India) 9 - Quandu 'u patri nasci, 'u fìgghiu fuj6. 'U focu e 'u fumu (Il fuoco e il fumo) 10 - Janca muntagna e nigra simenza7, 'u mastru chi la fa sempri ci penza. 'A lìttara (La lettera) 11 - Su' signora d'artu palazzu, janca su' e nigra mi fazzu, cadu 'n terra e no' m'ammazzu, vaju 'n chiesia e luci fazzu. 'A liva e l'ògghiu (L'oliva e l'olio) 12 - Si guarda cu' l'occhi e non si tocca cu' 'i mani. L'umbra (L'ombra) 13 - Supra 'na cìpiti cìpiti rrama, c'era 'na cìpiti cìpiti acedu8, tutta la notti cipitiava: cìpiti cìpiti cìpiti rrama. 'U rivòggiu (L'orologio) 14 - 'U zzi9 'ndòndulu si curca, 'a zze 'ndòndula cavarca, cu' tri parmi 'nci la 'ncarca; jida rrisi10 e jeu 'nci 'a misi e se non rridìa non 'ci 'a mentìa. 'U tripòdi, 'a tiella e 'a pasta (Il treppiede e la pasta che si butta nella pentola quando l'acqua bolle) 15 - Pendìgghiu pendìa, dormìgghiu dormìa, cadi pendìgghiu e rispìgghia a dormìgghiu, si leva dormìgghiu e si mangia a pendìgghiu. 'U piru e 'u porcu (La pera e il maiale) 16 - Nesci cantandu a menzu a du' muntagni. 'U pìritu (Il peto) 17 - Cala rridendu e 'nchiana ciangendu. 'U bbagghiòlu 'nto puzzu (La secchia nel pozzo) 18 - 'Nc'è 'na cosa longa e storta chi a tuttu 'u mundu porta. 'A strata (La strada) 19 - Canùsciu tri frati, tutti 'i tri dannati. 'U tripòdi (Il treppiede) 20 - Sàcciu 'na cosa chi si chiama Rosa, rosa non è: indovina chi jè?
|
Si autorizza la pubblicazione su Internet dei contenuti del presente sito, previa esplicita citazione della fonte.
Copyright © 1996 Domenico Caruso