Soàve
Te ò vist na matina
iniàda,
inbrasolàda
a na coltrìna de nibia.
Po co 'n nisiól
de piérle de bròsa
destirà su pa i còi,
su pa i prà, su te i cóp,
a spetàr al bà§o de 'l sol
par desfàrse...
Eco: al se sfànta,
al svanpìs,
ma na piérla la rèsta:
Ti, squà§i an sògno,
na bóla de saòn
andé che se spècia,
gnést fòra da 'l tènp,
al to castèl, bèl,
fa chéi de le fòle
de na òlta.
|
Stéla alpina
O' asà te i crép
de sta montagna
la pèl de le me man
e sangtue...
Piérle de sudór
le à bearà an fil scàt
che 'l èra drìo morìr,
ma dès sön qua,
stéla alpina:
fiòc de bonbàso
te 'n cor de velùdo,
làgrema de stéle,
góia de ziél,
sospìr de la tèra.
|