Co ...
Co me sentarè drìo rivàr
da rènte la
siésa che ségna
al confin de 'l me trói,
orìe èser bòn
strasinàrme
andé che le pìgne de 'l péz
le ghe fa i bòcoi a 'l
vènt,
al gal forsèl el fa la ròda
a 'l amór, e 'l cavriól
el dùga la so libertà.
... ... ...
Te chél mondo
infasà
de silènsi, càrghi
de 'l fià de l'èrba,
le man,
grànde, de 'l vènt
le podarà descoèrder
le me radìs de òn.
Co
l' ànema imagàda
scrivarò te le nèole
co la pónta de 'n
péz
la stòria de na vita ...
E podarà smorsàrse
la me
ùltima rasión. .. |
Faméia . . . ól dir
Iutàrse sfantàr
marùc de
nèole
intosegàde ...
Saér tame§àr
le tante bu§ìe
de la
vita ...
Scanelàr i silènsi
de i sògni fruàdi
da 'l tènp
...
Vardàrse te i òci,
sercàrse le man,
capìr... sentìr
de
èser an tut un,
incùi pa 'l dimàn. |
Na càpa de mar
Co pùde na récia
a na càpa
de mar
me pàr de scoltàr
busnàr de gardùs
rivàr da lontàn:
el scóa telarìne
che invìs-cia al pasà,
desmìsia ricòrdi
fruàdi da l tènp,
scancèla castèi
co radìse de insògni
e
sangiùt de silènsi.
Denoción te la sàbia
mi tórne bocéta:
la pùde te l'àqua,
ghe sùfie al me fià
sgionfàrghe la véla
a sta barca de sas
co §grè§oi de stéle...
e me gòde vardàrla
noàr e svanpìr
te 'l bà§o de ziél
e de mar... via.
par
spiàie pi nóve. |
Maèstro ò finì !
Ciao maestro, són
tut sudà !
O' laorà come 'n mùs, ma
són contént. Te dìghe na
ròba
che no pòse tàser:
- an dì, come tanti altri,
andée in gìro col
"me
òs a quatro ròde", radio
tacàda, radio che parla.
Scólte e
sente dir "da na
bóca schifósa" insólense
al Nord Est.Tuti
ignoranti,
la dìs sta "bóca". Le tó
paginète le ò mèse anca
par
chel. Spere che sta
"bóca" la cominse a capìr!
grasie maestro,
mi ò inparà
tant da tì...spere anca
lù :
"La bóca spórca".
nonobepi |