Fogole

Seménse

An córlo, an telèr,
la lìsia de zéndro,
stramàs de scartòs,
na cuna de vénc,
filò via pa 'l dì
de séra al rosàri ...

La pèl infisìda,
la schéna fin gòba,
le gànbe che siéde,
le man morsegàde
da tante fadìghe,
cavéi che se sbiànca ...

Ma i òci i me spècia
la e de 'n tènp
che 21 cànta vilòte;
no 'l smòrsa la lùs
de piérle de vita
semenàde par mi.

Coi òci seràdi . . .

A piàn a piàn, pàseme
le pùpole de i dét
sugàr le ióze de 'n tènp
che inrudenìs la vita,
e 'l scùrta i pàs,
e 'l indorménza
fin le ùltime góie.

A òci seràdi, in dói,
ciaparà vita an fiór,
na mèda sigarèta
a far zércoi de fun
(soàda pa 'n ricòrdo),
mlli castèi §mentegàdi
te la mu§ìna de 'l tènp.

E, fùrsi, an nóvo vènt.
inboresà da 'n sègno,
desmisiarà la óga,
el §gionfarà le véle
e 'l pendarà sta barca,
iniàda, a n'àntra spiàia.

Orìe che no fùse pì ...

Par an bòcia
che 'l vèrde i so òci
a na vita che par lu
sarà gràma,
ma pur sènpro La Vita ...

par an dóven
che 'l strénde i so dét
a na gràta de iàz
che ghe zónca le àle
a la so libertà ...

par an vècio
che 'l se vàrda da drìo
te 'n pasà sènpro négro,
inbriàgo de insògni
che no à més le radìse ...

sgravasói de 'n menùto
palidìr la bondànsa,
dormensàr le cosiènse:
an pùn-c de vènt
tame§à de busìe .

lncùi ... dimàn

Pà§e - iustìsia - libertà:

paròle scrite te 'n diàrio
co màsa sfói ancóra nèti,

sas che i §grìnfa l'aria
sènsa asàrghe an tài,

bolìve che cóa
sót al zéndro,

fógole sènsa àle
che à góia de ziél.

... ... ...

Co 'l to mèdo mantèl,
San Martln, el farà
da onbrìa de na bandiéra
a coèrder, a scönder
al sófego de 'l mal
che ne inbràga la tèra,
sta nostra Umanità
la gnerà pì véra.