Fogole

Utu métar

Utu métar:
pensiéri, dolór,
despiaséri e preocupasión,
la scèla, al laóro,
nòt vóde de sòn
a sentir al so fià,
a spetàr che lu 'l rive,
la vita, la mòrt...

Utu métar:
an sorì§o, an bàso, na carésa,
sodisfasión de rivàr, dì par dì,
la scóla, al laóro,
dornàde saréne
a spetàr nóvi fiór
che i colóre al to prà,
la vita, la mòrt...
Méti,
te sta balànsa
de sì... de nò... de fùrsi,
la parola ''mama''
Fa làgreme de brò§a
busàde da 'l sol,
le to onbrie svanpirà.

Mi me dimànde

Parché olér fermàr
al §ól de na sìliga,
o 'l córer de 'l vènt,
o le ónde de 'l mar
a la so spiàia ?

No se pól robàrghe
a i fióri de i prà
i so colór...
a le stéle che slùsa
la so nòt...
a l' àqua de le véne
al so mar...

No sté robàrme
chél che rèsta
de sta tèra;
al me giardìn
sènsa pì confin.