NonoBepi - agosto 2000

Nonobepi, su gentile concessione dell'autore, amico Osvaldo Noro.
Rende omaggio al poeta, cultore del nostro dialetto, al solo scopo
di divulgare quanto fatto e senza nessun scopo di lucro.

FEDRO - osvaldo noro
40 favole liberamente elaborate
nel dialetto dell'Alpago

Al tòr e 'l vedèl
(da ''TAURUS ET VITULUS '' = V19)

An tòr che 'l ól rivàr te la carpia
godér magnàr la so rasión de fién,
he tóca spentonàr la conpagnìa, !
titàrse drènto pa 'n pasàio cèn.

An vedelét, ufà de na scornàda,
el va davànti lu, in denoción:
"Te préghe de fenirla sta menàda!
Te va, se te te cùcia. Maturlón!"

Ghe dis al tòr: "Ma tàsi e tlrte là !
Co i ani che me porte te la gòba,
par mi, sto tant, no 'l é na novità.
Te avéa da nàser, che savée sta ròba!"

Moràl de chésta storia l'é sta qua:
no cónta insegnàr . . . a chi che sa. 		Al pegorèr e la cócia
(da ''PASTOR ET CAPELLA ''
= Appendix Perottina)

An pegorèr, par sbàlio, co 'l bachét,
scavésa de na cócia un de i cornét:
"No sta contàrghe gnént a 'l to parón!"
"Se énca ghe tasése la rasón,

no sta pensàr podér de farla franca.
Al mal 'l é 'n àntro, no sto cór che manca !"
La verità la salta sènpro fòra,
fa 'l òio, che 'l riva par de sóra.
La cornàcia e la féda
(da CORNIX ET OVIS''
= Appendix Perottina)

Bén straca na cornàcia de solàr,
la va sóra na féda par polsàr.
Ufàda de portàrla la ghe dis:
"0 bèla méa, vedón se te capis.

Se ti te fuse andàda sóra 'n can,
sarìe restà de ti, bén póc de san !"
"So bén vardàrme, cara, da i malàni,
e ói rivar a viver . . . mili ani!"

Ghe tègnitu da cònt a la to pèl?
A far le ròbe ghe ól ular servèl. 		La simia e la bólp
(da ''SIMIUS ET VULPES''
= Appendix Perottina)

Na slmia a na bólp la ghe dimànda:
"Comàre bèla, fàme 'n gran favór.
De la to códa lónga, flsa e granda,
che sèrto la te intrlga co te cór,

se te ghen tàia 'n cin, e ti te pól,
me podarò coèrder te chél lógo
andé che via pa 'l di no bat al sól !"
La bólp no la ghe intènde de sto sógo:

"Pitòst che dàrte 'n fìà de la me códa,
me la strasine tuta fin te i spin.
Cusì come sión fate va de mòda . . .
e mi no pòs canbiàr al to destìn!"

Moràl ? Me tègne la me ròba
e ti, gòbo, va co la to gòba.


*  Fedro * Grazie * Comunità * Perera *  Introduzione *  Al  can * An  leon * Le   rane *
* Al spècio * La bolp *  Esòpo * La  bisa *  Al  tòr * Al  mus * I doi  sors *  Noro Home *

website by nonobepi 1998 - 2006 - Tutto "fai da me".... o quasi :-)