NonoBepi - agosto 2000
Nonobepi, su gentile concessione
dell'autore, amico Osvaldo Noro.
Rende omaggio al poeta, cultore del
nostro dialetto, al solo scopo
di divulgare quanto fatto e senza nessun
scopo di lucro.
FEDRO - osvaldo noro
40
favole liberamente elaborate
nel dialetto dell'Alpago
Al spècio
(da SOROR AD FRATREM”
= III/8)
An òn 'l avéa 'n tosàt tant bèl fa 'l sól
e na tosàta.
. . bruta fa la fan;
a 'l spècio tut al dì lu 'l slònga 'l
còl,
gelósa st’altra, spisiga le man.
La va da 'l vècio, co na
óse róta:
"Me ride sènpro sóra me fradèl!
Parfìn de 'l spècio el s’à
ciapà na còta!
Speciàrse, par an òn, no me par bèl. . . !"
Al
pare scólta e 'l ciàma i so dó fiói:
"Vardàrse drénto 'n spècio no 'l é
mal.
Vardéve tuti i di e tuti dói,
ma no misiàr al sùcaro co 'l
sal.
Ti, òn, par no strasàr le to beléže,
e ti, tosàta méa,
bruta asèi
podér a balansàr le to fatéle
co tant de bén par tuti,
grandi e cèi".
Al bèl el va e 'l gnén,
al brut el se
mantién.
|
Sòcrate el se fa na casa
(da
SOCRATES AD AMIGOS = III/9)
Na casa 'l vècio al é drìo par
far.
Ghe riva an òn e 'l taca raionàr:
"Sta casa me par cèca asèi
par ti,
an òn tant grant, da tuti riverì!"
"Bel me, no sta
ciórte de sti intrighi!
Fùsela piéna 'n di, de veri amighi!"
Sta
bèla storia la scònde la moràl,
te chéla riga. . . scrita par fìnàl.
|
Al pitusét e la piérla
(da PULLUS
AD MARGARITAM = III/12)
El va te 'n ledamèr an pitusét
frasàr
de sót la fóia co la sàta;
se godarie catàr an bèl bisét,
ma na gran
piérla de valór el cata:
"Na bèla ròba cate te sta busa
ma mi,
credéme avée pì caro 'n bis !"
Le ròbe bèle, chisà par quàla
scusa,
le ghe va sènpro a chi no le capis.
|
Le àve, i so mas-ci e la vespa
(da
SAPES ET FUCI VESPA IUDICE = III/13)
Busnéa le àve, dès sta qua ve
dighe:
"I mas-ci, bèi, no i ól a far fadìghe!
Ciamón na vespa a
farli iudicàr!"
Sta poregràma la à 'l so bèl da far
parché de
drénto de sta gran famèia,
fémene e òmi tant i se somèia,
La pénsa
su e la mòla sta senténsa,
par véder chi fa 'l miél e chi 'l é sénsa:
"Struchéve bén la pànsa tuti quanti:
Se vedarà i véri laorànti.
. . !"
Ghe sta le àve, i mas-ci no i acèta,
cusì la verità gnén fòra
dréta.
Chi ròba fa la ròba,
chi sgòba fa la gòba.
|
website by nonobepi 1998 - 2006 - Tutto
"fai da me".... o quasi :-)
|