NonoBepi - agosto 2000

Nonobepi, su gentile concessione dell'autore, amico Osvaldo Noro.
Rende omaggio al poeta, cultore del nostro dialetto, al solo scopo
di divulgare quanto fatto e senza nessun scopo di lucro.

FEDRO - osvaldo noro
40 favole liberamente elaborate
nel dialetto dell'Alpago

La bisa
(da "SERPENS MISERICORDI
NOCIVA" = IV/19)

An òn scórde na bisa lóngo drét:
"Aràla che? Parché no la se móve ?
La póre bisa par morir da frét
e lu, senpiòldo, là che 'l se comóve.

El ciàpa co le man sta bèla bisa
e, 'l pénsa lu de dàrghe 'n fìà calór;
el te la pénde sót de la camésa
podér scaldàrla rènte de 'l so cór. , . .

Ma co la bisa ciàpa ancóa fìà,
ghe mòla a 'l póre òn na morsegàda.
La dènt cativa la ve fa pecà?
se ghe n'avé, speté na canaiàda ! 		La montagna la crónpa an fiól
(da ''MONS PARTURIENS'' = IV/23)

Na gran montagna l'èra drìo cronpàr.
La tera tuta, prónta, la spetéa
da tante lagne e tut an gran sigàr,
al fìól che sta montagna la ghe féa.

A sòn de sighi, e dopo tanti sfòrs,
sta gran montagna la ghe crónpa an sórs.
Sta storia a chéla dènt la ghe va bén,
che tant la ne inpromét po, sóto sóto, .

la vive sóra chi che la mantién,
e 'n "ò'' no la sa far co 'l cul de 'n gòto.
La mosca e 'l pelóc
(da ''CALVUS ET MUSCA '' = V/3)

Su te la testa, lùstra, de 'n pelà,
ghe va na mosca e 'n morsegón ghe dà.
Par al gran mal, a paràr via la sghèrla,
se mòla, ma lu sól, na bèla sbèrla.

Ghe dis la mosca, fàndoghe 'n océt:
"Na bèla bòta, e tut pa 'n morseghét !
E dès faràtu che, par via che a 'l dan,
co le to man, te ghe à dontà 'l malàn?"

"A mi, de perdonàrme no me cósta,
parché so bén che no 'l è fat a pósta.
Orìe copàrte ti, che te te gòde
a farme mal e asàrme le man vóde !" 		I dói pelòc
(da ''DUO CAL VI'' = V/6)

An òn pelà, par tera, te 'l ierón,
el cata 'n pèten; 'n àntro, tut pelòc,
al ghe dimànda: "Fóne an tant par òn?
Da bòni amighi spartisón sto póc!"

Ghe dis al primo, netàndose le man:
"La bòna sòrt la à fat al so laóro
de far catar calcósa a 'n póre can,
ma 'l é carbón a 'l posto de 'n tesòro !"

E la moràl . . . ? La é chéla de na òlta:
chi à i so dént, par sòlito, 'l à fan;
chi à la bóca nèta, sacrabòlta,
'l à tant de conpanàsego co 'l pan.


*  Fedro * Grazie * Comunità * Perera *  Introduzione *  Al  can * An  leon * Le   rane *
* Al spècio * La bolp *  Esòpo * La  bisa *  Al  tòr * Al  mus * I doi  sors *  Noro Home *

website by nonobepi 1998 - 2006 - Tutto "fai da me".... o quasi :-)