![]() ![]() |
Omaggio ai poeti bellunesi. Senza nessun scopo di lucro. |
Fioi de i minadori Par Arkànziei, vesìn le stele ke kontéa so pare fora pa i finestrìn de la baraka, adès ke sta vaka vita l à bù konpasion de i so mort de pusiera, paserà i fioi a cior al sol ke morìa ogni matina in galeria par fàrghen na spanzada. |
La barka Tronle via, le misèrie, drio la skena! basta pedòci basta fan stantìa! Gneron fora da l mar kome da mare, novi par tera nova da kunàr e ko n altra misèria da domàr senza l usma de i siori kori, barka, kor, kori! |
I desperadi I desperadi I desperadi andéa, - moldeste e konsumade le ilusion, infin de là de l mar a zerkàr la speranza kuela nova, pi granda, ko par arma le man - Dio e, la Providenza ghe bastéa e na via slisa bona solo pa i spaghi |
Esanponèr I esanponèr partìa a far su na ferovia, ke li menéa ogni olta pi lontàn kofà na malatia ke donta dan a l dan - romit al kor, soli fa i kan te l desèrt de nostalgia ko l pensiér de la fan tirà fin kasa. |
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)