 |
| Omaggio ai poeti bellunesi. Senza nessun scopo di lucro. |
| San Nikolò de Piave Stramazèra kuànta lana e kuànta krina sot i kài de le to man. Stramazèra in fondo a sta skatoleta davant la cesa le to gusèle strake inpira solo nibia e te me varda nkora pa dirme tante robe. Stramazèra te manka la parola te manka la gusèla te manka lana e krina, e i kai de le to man i e kome an maz de fior ke porte su l altar. San Nikolò de Piave la vecia stamazèra adès la à n stramaz lidiero fa na piùma e kuà su l to sagà renkure na gusèla ke par desmentegada e me la porte a kasa |
Santa Maria de i Batudi Se someion Ti ko le to piere ke piande i zima a l Art ko l kampanìl ke tase la lengua mutilada. Ti ko drento konfusion na cos o na kandela silenzio da i to mur silenzio da l to kuèrt gnanka pì an kolombo se poia a riposar te à pers in medo a l temp la vita de na olta. Se someion Skonsakradi fin in fondo ne resta piere in facia ke piande su la strada e tuti i pasa via e gnanca no i te varda. |
| Ndàr par la me strada E ndàr, par Sotkastèl, le man te la skarsela, ko n pensiér in testa de na kanta vecia tannt ke l sol karesa le fraske sora mi. E ndàr par Kampedèl sensa gnanka vedér le face de la dent. E ndàr do pa l Pra kantando soto os a kuel pok garìn de Piasa Barufa. E ndàr a Vila Brosa par sentìr l koro ke l Art l fa ko l vent. E ndàr a Borgo Piave sentà su le skalete par inpenìr na sera ke mai na la finìs. Ndàr de kuà e de là zerkando l me Bélun, kel tant de vecio e bel ke resta de sto lok. Vardàr le vostre face ke non rikorda gnent, kantarve l Busighél, San Piero e l Torion e no avér risposta se no ke n tasér cet. E ndàr a San Lorenz, no trovar pi gnent se no ke kase nove. Alora no me resta ke ndàr par la me strada fermarme a Santa Krose de fiànk de na fontana e respirar kontènt l aria de la not E ndàr rento i to oci par kapìr Belùn sensa tant sofrìr an mal desmentegon de l mondo de i me veci E dirghe a la not: "Pitura tut de skur mi me gire istés e ki ke no à oci gnanka de di no vede". E ndàr par la me strada le man te la skarsela, ko n pensier in testa de na kanta vecia kome l me Belùn. |
Genaio Mi spete sempro Genaio spete la neve ke kaska e dopo me skonde là sot e polse pa n mese intiero Dorme tra tera e neve, skolte l son de le talpe, tire le rece pian pian e ciape l rumor de le viole. Le nas, le kor, le fa strada, le zerka la via de le stele, le ferma l pas sot la neve, le speta l ciamar de Bastian. E dopo le kanta kontente, le primule drio le ghe gnen. Genaio finis par lasàr al pas a n sol timidét. Te n mese l inverno fa tut. |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)