- grazie - A filò kol zenpedon, entra


Omaggio ai poeti bellunesi. Senza nessun scopo di lucro.

Poesie di Marino Perera -->

No sion pi tosàt

No sion pi tosàt
ke se beta drio an boskàt
par darse an bevo.
Me piase andàr pianét
e karezarte i det
sperando ke no i vede.
Te la not an inbriago
zérka de ligàr ko l spago
la stela pi lontana
par regalarte al ziel,
e no l sa ke I pi bel
l é serà te l to kor.

No gner da mi domàn

No gner da mi domàn,
le folaghe de i sogni le kanta
te n tramonto ros de fogo.
Te spete sta sera longo le vide
par sentir te l kant de i grii
na dolza nina-nana.
Lasàrse andàr pianét
senza paura,
, fin ke i fià s inkontra
inbriagi de vert.
Alora te i to oci
s inpinzerà na stela.
Te sogne

Te sogne sta not,
dovena ilusion,
par sentìr
le robe pi bele
ke busna te l kor.
slonge na man
te na kareza de vent,
ko l vert se fa primavera
par averte vera,
fa ala de paveia,
ke lediera se posa
te i fior.

L amor

L amor
l é fat de kareze,
basi,
e anka de busìe,
ke tuti kredon vere,
inveze le é kome riz
de lenç
taiadi da l kor
par skaldarse le man,
in doi.
Kuàndo in kanpagna

Kuando in kanpagna se mor
al piànder l é fat de kamise biànke
e kravate nere. Kamse biànke.
kc le sa da zendro
de na lisia sugada te n prà
da l sol, ke brusa la pél
seignada da fadiga e man vere
e kravate nere, te l vestì skur de la festa.
Fadiga, mort, kanp aradi
da l destìn de i tenp.
Nesùn piànde.
Al dolor l é serà te l kor
e te na kamisa biànka ko la kravata nera.


Bressan - Bridda - Cela - Comiotto - Crespan - Dal Molin - Dal Pont - Dal Poz - De Bona - Neri
Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon

website by nònobèpi 1998-2007 - Tutto fai da me o quasi :-)