 |
| Omaggio ai poeti bellunesi. Senza nessun scopo di lucro. |
| Zornade de piova Zérte matine stando su l lét, kusìn destravèrs e kuérta ingrumada, la tire longa par sentìr bel cét la piova kaskàr zo su la strada. Su lo sfondo de la kàmera nera, ko i oci ke gnanca medi i se vérde, al sbatimenta de le gioze par tera al fa ke mi kuasi me perde. Kusì me volte e me remene ko l pensàr an sak de monade; an cin in skena e po su l rene se tira par forza le ore strusiade. Tra le sfese che ofre i balkoni riva na luce fiapa e poregrama; kon gran poian da pelandroni se à miseria a kavàr al pigiama. La piova la bat senpro pi neta la zent gira inpizando le onbrele, i pi ganzi, ko pastran e bareta, le man ingretolìde i cen su le skarsele. Piova de novenbre, piova d inverno, e rivarà la neve ko tut al so frét dopo al é ingrumà pi fis, paromai medi soki e kostipadi ak cin se stranuda e po se tosìs. Da la television, senpro informada, se speta de savér ke tenp ke kova, ma anka ela poaréta, meda malada, la busna e la se incianpa data la piova. |
La Guséla Ko me kate la matina su la strada ankora pi de medo indormenzà me skanpa de butàr la prima ociàda su par la Guéla del Veskovà. Son kusì afezionà a sta Guséla ke pi la varde e pi me inkante, tant ke se la fuse na putèla kon ela kuasi faria l galante. Anka ela par ke la dae n ociàda e l é propio kuela l inpresion ke ogni tant la sia inmulada par sto mondo pién de konfusion. Ma kome l e pasada la bufera e le nùvole le se alza an cin, pasa su sta kroda moia e nera a saludàr de rinpeto al Visentìn. Tornà l serén su la Val Beluna, dat la bona note a Pelf e Sçiara, ghe fa l ocet la vecia luna ke par ela la se fa pi ciara. Te se, Guséla, tra le meio robe ke véder se pol kuà tut intorno: le Pale de l Balkon ko le so gòbe le sta vesìn a farte de kontorno. Te saludo, stame ben, Guséla, ...e po se vedaron doman matina: ke sora< ti pìndola na stela, mi kore al kalt de na kusina. |
| Robe ceneste senpro kare Da la sinistra e da la destra Piàve ve vede konpariìr an kanpanil, ke l par ke l dighe in tono grave: "a mi no me manka ke l fusìl". Al te par kuàsi na sentinela ko in zima an angelo par vedeta, pronto a vardàr ogni piciola stradéla da l fon do val infìn a ogni veta. Sto kanpanil, ke, koi bot de le so ore, al dis ke l tenp al va senpro avanti: a meodì, a l inbrunìr, al albore al dà a la zent tre segnài inportanti. Al sona da mort e l sona da vivo ogni volta konforme a l avenimento e de vantarse l è senpro skivo, parkè tut al ffa kon sentimento. Al riceve zent a ogni ora: omeni fèmène veci e puté; al ofre parfin la so dimora an fotìo de pipistréi. Anka mi, infintiméi a le kanpane, rive nkora konpagnando kualkedùn, par mostrar a le forestee a le nostrane kuànt béla la è la me Belun. Da Porta Feltre a la Venèia da Musoi al Pont dela Vitoria al è na imeensa meravèia da meterse a kantàr an "Gloria". La Piàza de l Dòmo, da là in zima, la konparìs do bas kome n zestél; an cin par skomesa, an cin par stima apena te riva a trovar Kanpedél. Te vede la zent, gran picenina, traversàr la piàza de gran premura; ko l pensar a l laoro o a la so kusina i konfonde l Tribunal ko la Prefetura. Ke spetakolo, tosàt, sto kanpanìl, da la téra al cièl fa na korsìa; an gràzie no ghe avon mai dit pa averne cenèst sot la so onbria. Kuànt bakàn, kuònta konfusion avone fat, da bòce, là da drio! O pa ndar a Mesa o a funzion la skusa éra bona par far desìo. Zogàr a skondi-kuk, partide a l balon da la matina a la sera èra tut an koro, anka parkè, ke ne dèa rason, éra kuèla kanaia de Isidoro! Ko le man e ko i piè o ko la tésta, da l portièr a l terzin intimai a l ala, tan pa ciaparghe o darghe na pendesta: "dai, buta, krosa e pasa kèla bala!" Adés son grando: la skarpa lustra, le braghe longhe e la kamia biànka, ma ko vegne a piàrme su la balaùstra kalkosa intorno la me manka. A, no pì i tosàt kome na olta, inveze de ciapàr an bél balon, i fa l kanton e po la svolta e i va su e zo par al liston. Me kate kuà mi sol e po me poie, testa basa e man te la skarsela, dentro de mi kalkosa l è ke boie ke... takarìa sonàr la kanpanela. No se pol, i è tuti via, manka parfìn al vecio kapelan! Morsegàndome i dèi kon nostalgìa salude l Piave ke skonparis lontàn. |
Pensieri piova e neve slanbrozada vede fora sora i kuért: ko sta sort de na zornàda me cogne pròprio star solèt. Sérù su in te la kusina ko la finéstra da vèsin, solamente na fisçiadina la me fa straviàr an cin. Al è i oséi de kasa mea ke me mare la renkura; fora al fret la sbekotèa an ciuìt de gran premura. Inbròsa, ko stà zateta, al me fà an gran pekà: tasi, forse kalkoseta, trafegando al à katà. Gnènt de pì de nà skorzeta, porekàn ke vita grama; altro si ke l oseleta su l bonbaso de me mama! La sucede kome a noi, l è la solita kuestion: ki se magna do fasoi altri inveze na porzion. Mai, difati, l umanità a sto mondo se kontenta: ki, par esenpio, sta serà de l so stato se lamenta. E kuèi ke sta de fora stufi agri de giràr i ciama senpro l ora de poderse ritirar. An provérbio iusto iusto par sto fato se fa vivo: sarà senpro n alt e n bas ke a sto mondo fa n galivo! |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)