 |
| Omaggio ai poeti bellunesi. Senza nessun scopo di lucro. |
| Man larghe Se piove e son senza giacheta o pastran, da ti ke te guarna da senpre al bistiàn la porta l é verta e torno al larìn me skalde e me guste an goto de vin. Da voi ke a doi pas da stale e da tiede vivé te n palàz ke a dir no se krede, i vostri portoi i gnen pena verti ke ormai son tut moi. |
Le panoie De zerto no le sgionfa né le ingrasa e pok le konta a rimediàr la fan, ma brustolade sot la kaminaza e rosdegade e a stent na olta a l an, koi dent ke sçioza e mal na ganasa ste porke de panoie koi so gan, le me rikoprda al tenp ke da bociasa, robade a zest koi altri zalatàn, se le rostìa sul fogo r infumegade le ne inpienìa la panza par an dì; intant ke n altro fun su le kontrade levà da n vent de mila kanonade ne féa vardàr in sù, kol kor stremì, panoie da la luna sgranolade. |
| Goti de plastika Kome se falo, porka la putana, a bere an merlotìn, an kabernét an kuarto de kartize, an gioz de albana, te i goti ke a vardarli te vien fret! Te i goti ke va ben par lat e pana o par an vin fora kol bakét, ke l kanbia la to ziera bela e sana ko kuela ke da noi, se dis, da pét. Me par ke l vin, almanko kuel pì bon, al merite na sçianta de kreanza kon goto ke figure su l bankon! Al merita ke vàe de stornelon o pien de l tut par sot nas tola in panza, ma mai kopà da goti de karton!. |
Na giaketa Ko varde la giaketa de l papà, sul pik restada n anima de peza kuel dì kwe tuti kuanti a l n à lasà, me sente indòs na spezie de kaveza ke se no so se andàr de kuà o de là, kon tironet de spala la me indreza spostando al kar da l fos sul kodolà. A rikordarla sente na kareza ke kore su la ciopa, do pa i braz, ke me rimét, se son strakòt, in ale, pì no sent te i os al moi del vaz. Se po l me tenp se presentese krudo e avese sta giaketa su le saple, par kuant poaret no resterie mai nudo. |
| Polenta inparentada O Nane, te rikordetu Maria kol so kulon pi grando de l larìn, ke tuti i sabo in ostarìa la ne portéa formai, salame e vin? Su l logo, adès, ghe n é na pisarìa ke no te dighe, Nane, ke Kasin! Indove ke te magna bataria e bira ke la udora da freskìn E al posto de Maria ko le so tete ghe ne an napolitàn e i so parent (a ocio e kros almanko trentasete) Vignést in su ko tuta la kovada par metérne, sto mostro, sot i dent polenta kol Vesuvio inparentada! |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)