 |
| Omaggio ai poeti bellunesi. Senza nessun scopo di lucro. |
| I to oci Vorìe parlàr ko ti ma i to oci de iaza i varda lontàn i se perde te n frét senza ànema; e mi spète senpre na ociada pì kalda ke pi no i sa piànder te n inverno ke ormai l é da rente. |
9 Otobre 1963 I me amighi de Longaron Sas; sasét, sas grandi, sas tondi, sas bianki sw grave sas fredi iazadi; i me amighi negadi, i é là, destiradi kol fret de la luna te i sas de le grave poratadi da l akua do, longo la Piave. |
| Doi de novenbre An lumìn inpizà insieme a tre fior, al doi de novenbre, par tuti i to mort. E po ko na man te fraza al giarin o te néta la piera; te zerka an vasét de viéro stnpà o de vecia lamiera par meterghe i fior ko n poka de akua misiada al dolor. Kosì te sé vivo par tuti i to mort al doi de novenbre; an lumìn e tre fior kol kor ke se strende. |
Viver Son kontènt de viver, anka tel dolor, anka te la soferenza, sbasì da l saor agro de la treisteza par la paura de stàr mi sol; ma son kontent lo stes de viver fin ke l lumin de la speranza al fà ciaro al Signor! |
| Strise de vita O' tirà na strisa co l ges biank te na lavàgna negra; rivà in fondo o' skominzià de novo n altra strisa e po n altra ankora fin do bàs; na lavagna piena de strise. Kosì l é la vita; skomiziar senpro strise nove ko l gés biank te na lavagna negra ko la paura de finir al gès te na lavagna senza strise. |
A me fiol Stefano Se par ke le krode e par ke le crepe de le montagna te va a zerkàr senpre pi sù; la neve bianka, na stela alpina e l anema nèta, mi spere fiol ke ti te trove senpre la sù, al sol de le zime ke te skalde le man e l kor. |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)