 |
| Omaggio ai poeti bellunesi. Senza nessun scopo di lucro. |
| Kanton Kanton kome i osèi skanpadi da na kàpia kunado do man de musika disegna quadri nte l aria. Kol kor nte la voze kanton kome al sol kuando al se inbriaga de sera ko le mace de klinto ke se sfoia drio na sbolda de montagne. Lidieri se sentison kome le neole ke kor kontente d èser fate de gnent. Vardon i altri kol kor pi vèrt ko le porte spalankade a l amicizia ke se strende e ke se madura nte na kanzon de kuele poaréte |
Donse koraio Donse koraio fradei inkoi ke l sol se à kuerdést de nìbia, doman stele ciare inpinzarà lumin su na strada de iara fina. |
| Tèra méa Tèra méa, me kuna e me lét, desmentegàda da kuei ke konta sui libri dei skèi e amada da kuei ke koi libri i fa posia da na porta de foie indalìde e te porte ko mi na primavera fiorida ciamada anka kol gnint del me nome. |
"Se..." Se i òci sère, kome i balkoi de la me kasa, na penomnbra de nostalgia - aguàz sora an fior - me ciama e me tontona. Le to man me kareza, la to voze me konsola; e sto mondo, pikà kome na pigna ntej braz de n pez, pian dondoléa, nte la nòt frska d amor! |
| "Domandéghe" Domandéghe al sol ke profuméa 'ntel kolor de n fior o a l akua ke de sçiuma la vestis i sas al so pasar, domandéghe a l emozion de spazio ke su l erba kor al kaminar de na formiga, domandarghe al kor dal vent, ke nol se ferma mai su le so strade senza konfin, domandéghe an pasaio a le farfale par zolar kome na nèola, ntel òel, ke da senpre kognos al giro sbiadì de i dì konpagni e kapiré parké na folìstriga verso le stele a morìr la é ndada. |
Skàlda kor méo Skalda kor méo sta nibia ingiazada, borbotadi lontan. Sèra sta porta de sgidoi de frét kuanda anka na kanpana se mét a pregàr drìo na montagna kuèrta da nef. |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)