 |
| Omaggio ai poeti bellunesi. Senza nessun scopo di lucro. |
| La Piave A olte, ko san sola, fenì de destrigàr, varde do par le grave, la Piave te l so ndàr. Me pense, stée a Rivalta e ko vignea gran piove la seguitéa a slargarse via via, fin sot le krode. Ko l nas skakà in te i vieri, godée kele brentane: paréa l busnàr de l diàol, ela la féa matane, E po ceta l distà la ne ciaméa a dugàr, pastroci e kastelòt, pò tuti a sguataràr, ludizi no ghe n era, nodàr no se savéa, ko i sgrisoi se ndéa intro, mare se la ingiazéa Beveste a no fenìr, l avéa strano saor, saor dei primi ani ke l é restà in te l kor. Adès l é na ruiela straka in te l so pasàr, par mi l é scnpro bela, parkè l era l me mar. |
Le man de me nona Senpro me pense le man de me nona, fizade, brute, no le avea staion par fursin e taiòle, det gropolosi, onge roségade dai lisivàz e la tera, i palm paréa de koràn, ke no ghi servia cipìn par cior su la kaliera. Kuant ke le avéa strasinà e ke fine in te l spòrder nel bisogno ko le ghi féa da nif a n pìt lasà indrio da la koka e mi, ke no avée pì mama, ko i me le poiéa su la testa, no me sentìe pì sola. |
| Primo dolor Al to musèt a l era stuf sti dì, fat pì madùr da kalkosa de skont. Mi ke te lède, ò zerkà par straviarte parole, ma senza katarle e ti te à gradì l me taser poià in te na kareza unide, da n silenîzo grant, kome l to primo strusiàr par amor. |
Malinkonia Ankoi no la va, ò n magnamént intro ke à fat skanpàr anka bone intenzion. Invèr anka in mi, spuncioi de iaza ke beka e no me mola. N andàr e vegner de pensieri pok bei, kome foie fiàpe ke sola, se poia e pò nkora mulinéa, sora l grun de la me malinkonìa. |
| Distà finida Al vent svanpì l à i to profumi e ceto l polsa giskolando sui skàt fin ieri fioridi. Trema la rama drio perder l onbrìa e in te l vers resegnà de n grì senza pì vért, anka staolta. istà, te sé belke rikordo! |
|
Bressan -
Bridda -
Cela -
Comiotto -
Crespan -
Dal Molin -
Dal Pont -
Dal Poz -
De Bona -
Neri Noro - Pellegrini - Perera - Prest - Sacchet - Secco - Tavi - Tissi - Tramontin - Al Zenpedon |
website by nònobèpi 1998-2007 - Tutto fai da me o quasi :-)