O s'cuio de Rubeîn famus teî tanto,                             b
adiesso ula ti son ch'i nu ta vido?
ca in vieci tenpi teî, t'iè boû gran vanto 
e puochi adiesso zì c'oûn tanto crido!

Cu in San Zuvane in Pilago ti stivi
pioûn grando ti giri teî de tu fradai,
par la tintoûra in russo ca ti fivi
teî stimà ti son sta ben sensa vì guai.

Nda conta i screîti ch'insastus ti giri
cun case purassiè, cun uorti tanti,
cun feîsse piante cume tanti biri
cume ch'intrigadi uò çierti davanti.

Salva dai barbari in mar ti stivi,
ta cugnussiva Ruma e i sanaturi,
daspuoi cume fa 'l lanpo ti sparivi
e pateî uò la tu zento gran duluri.

De mar oûn taramuoto t'ingiutiva
e in fondo là ti son d'oûn piesso muorto
e parici da quî ca su teî stiva,
nagadi s'uò cun teî sensa cunfuorto.

E quî ca nudando uò brancà la reîva
de Coûvi, caminando par canpagna,
fra gruote e ruve d'oûna cal cateîva
salvadi s'uò in Ruveîgno che 'l mar bagna.

Pascando el pascadur se 'l pol ta scheîva
e li su ride là su teî nu cala,
parchì dal fondo spisso là l'inteîva
ca 'l teîra, cupi e irte cu li arte a gala.

Puochi mischeîn Rubeîno, t'uò in mamuoria,
l'anteîca stuoria sul da teî faviela;
cusseî a stu mondo uò fineî la gluoria
par teî ca gira oûn tenpo tanto biela.

Quil mar ca t'uò fundà e par teî tazo,
e là ula t'iè l'etierna sipoûltura,
sa 'l fa bunassa cume l'aqua in vazo
sa vido li tu case e la tu moûra.

O scoglio di Rubino tanto famoso,                                  b
dove sei adesso che non ti vedo? 
che nei tempi andati, hai avuto gran vanto 
e pochi son ora che credano una cosa simile! 

Quando in San Giovanni in Pelago tu stavi 
eri maggiore dei tuoi fratelli, 
per la purpurea tintura che producevi 
sei stata stimata e senza aver guai. 

Ci raccontano gli scritti che graziosa eri 
con case e con orti in quantità 
con fitte piante come tanti ciuffi di capelli 
che arruffati taluni hanno davanti. 

Salva dai barbari in mare stavi, 
Roma ti conosceva ed i suoi senatori, 
poi come fa il lampo sparivi 
e sofferto la tua gente ha grandi dolori. 

Un maremoto t'inghiottiva 
ed al fondo sei di un morto luogo 
e parecchi di quelli che ti abitavano, 
annegati sono con te senza conforto. 

E coloro che nuotando hanno guadagnato la riva 
di Cuvi, camminando per la campagna, 
fra grotte e rovi di una strada dissestata 
salvati si sono a Rovigno che il mare bagna. 

Pescando il pescatore se può ti evita 
e le sue reti su di te non cala, 
perchè dal fondo spesso avviene 
che tira a galla tegole e stipiti con le reti. 

Pochi meschini Rubino, ti ricordano, 
Solamente di te narra l'antica storia; 
così a questo mondo è finita la gloria 
che per te un tempo era tanto bella. 

Quel mare che ti ha inghiottito e per te si tace, 
e là dove hai l'eterna sepoltura, 
se fa bonaccia come l'acqa in un vaso 
si vedono le tue case e le tua mura.