Si consiglia una risoluzione video 800 x 600
"Parti"
di lu Bamminu
Patruna di sta casa l'a' priari,
a li cumanni soi vogghiu obbidiri,
si m'arrinesci vulissi pallari,
sti parti a lu Bamminu vurria diri.
Si iu fallu e dicu accussì (cosi) mali,
megghiu chi ama a diu ci teni fidi,
stu Bammineddu ni vinni a 'mmitari,
voli chi 'mparadiso avemu a ggh'iri.
Principiu sti parti e lacrimannu,
forsi possa vutari lu me' sensu,
prega la menti mia s'iddu po' fallu,
s'iddu chi ama a Diu sarà chiù bellu.
Cu li piccati nun c'esti guadagnu,
chiuttostu l'arma purtamu a lu 'nfernu,
pinsannu a Cristu ch'ha patutu tantu,
iu l'amu di la gloria in eternu.
Gesù Bammineddusti labbruzzi beddi,
a lu me' cori dati du faiddi [scintille],
l'occhiuzzi aviti un pocu nicareddi,
li vostri capidduzzi brunnuliddi[biondicci].
A la manuzza tiniti du' agneddi,
a n'atra manu du' cori e du' stiddi,
ora vi preu un pocu, divuteddi [o devoti],
ch'aiu li cannarozza asciuttuliddi.
Gesù, Maria e Giuseppi, iu vi dicu,
chi lu cori di l'omu è sempri 'ngratu,
ora chi si susteni ss'accanitu,
a' circari d'ogni modu lu piccatu.
O divuteddi mei, vi tornu e dicu,
ridottu a nna culonna flagellatu,
Gesù Bamminu già fu natu omu,
d'un mastru trasparenti dda luntanu [n'un bascu..?]
E Maria Santa e San Giuseppi mischinu,
foru ridotti a dormiri 'nchianu,
truvannu na 'rutticedda nu' camminu,
cu quattru ruppa di pagghia e pocu fenu.
E dda nascennu 'u Redenturi divinu,
vinni a stu munnu pi sarvari l'omu,
Vinni a stu munnu e ha patutu tantu,
e ha suppurtatu qualunqui trummentu,
chi fu rifottu lu joviri e santu,
cu la canna di manu e lu paventu
Giura chi lu trariu fu lu tirannu,
stu corpu 'raziusu e nicu,
Gesù Bammineddu n'è 'ndignatu tantu,
li piccaturi li voli a lu 'nfernu.
Lu 'nfernu è fattu pi li piccaturi,
e Maria Santa nuddu ci nni voli,
chiangi stu Bammineddu Redenturi.
