|
La gliejia decanal da La Plié La Plié d'invièrn 
L defòra Da la pèrt defòra no n é che la gliejia I'abe câl granché de ecezional. Se rua prò le gran reie ju per na dejina de scialins de sas. Na picola court a cubec' de pòrfido la no n é bona de tignì ite duta la jent cânche, da le seplture, I preve, ilo davânt reie, l ié da l benvegnù al mòrt per l ultimo viade nte gliejia. Soura portou n tât, senza nossècié de artistich, l cura jù l'entrada da le ntemperie. A mân dârta e a mân ciâmpa l é le doi sâgle de la iègasânta n mèrmol. Da la pèrt desot de gliejia I é câle picole reie. L portal, a sest acut, l lascia ntâne che câle i é trop plu vegle de câle grane. Damprò, che cor ndrio ntei agn,l é la plòta de mèrmol che recòrda scior Plevân Giovanni Battista Conaider mòrt I ann 1758, plu che fazile metù via no ntel mur co che vignissa da ntâne ma nte la cortina, desot, che la corâva ntourn gliejia via. Outèi sotvia, via e davòsù, ntra moniaria vegla e gliejia, se rua prò ciampanil. L ciampanil Refat sù del '21-22 davò la vièra, l é aut 56 m., 6 de mânco de câl davânt. Nchina le cimpane de la firma Brighenti de Bologna, i é stade calade de numer: da 7 a ö. Câste i é stade benedâte ai 3 de jugn del '23 su la plaza da La Plié. Da la maiou a la mendra le pâsa: Kg. 1644, 1205, 473, 236, 130, e 40 câla de l'angonia. Una, la cuarta l'é destacada fòra da agn, da cânche i é stade metude a ji col eletrico. L monument dei tomèi n vièra Da la pèrt desoura, che l da su la plaza, l é l monument dei tomèi n vièra: trei gran plòte de mèrmol, mpoiade su per la fazada de gliejia, i à. sù i inom de 135 Fodomi tomèi da la pruma vièra (autri 9 n é nte autre cortine), e doi colone cuadre delongo desot i à. sù i 63 de la seconda. N dut 207 inom: troc', massa per en Comun de gnânca 2000 anime. |
Edito a cura della Parrocchia di S. Giacomo in Livinallongo
*Stòria 1940*Plié d'invièrn*Catarina Lanz*La pèrt daite*Le statue*I autèi* *Prevesc*Gliejie*Da Belluno a Livinallongo* |
website by nonobepi - tutto fai da me ... o quasi :-)