I autei de la gliejia da La Plié  Capita da medicé de ji nte na gliejia che no s'a mèi vedù e de volei n savei cèze de plu de dâla. Te te astale davânt a l'esprescion de na statua; te te ferme a cialé a na pitura nte na soèja; te ten fèje de marevoia davânt an juoch de lum ntra l ciaro e l scur.Te reste plen de domânde davânt a nen auté, a nen pièrgol, a le linie che se ncroja su per celour, davânt al vegle e al nuof, al stil e a trope trope de tèl picole monade che no n é bogn de marché chi che nte câla gliejia i va ite ògni secondo di. Na outa fòra de reie e dalonc' dal paisc, te tourna n mente chi crisc', câle madòne, chi sânc', chi autèi de la gliejia. Te resta daite tân de percié restèi senza na respòsta e tân de parigladure con auter vèlch da de tèl che t'as vedù autrò nte autre gliejie e autre zité. L é da nen tèl grum de pensier che nasc sti valgugn sfoi. L'intenzion l'é demè câla de dé, a chi che se speta na chèlche respòsta, na curta linia nte la stòria de la gliejia e valgugn dati sun câl che toma sot ogle. Senza nia pertende, coscita, podâssa vignì valorisada de plu la vijita fata a câsta gliejia. N bel diotelpaie spò a chi che se tòl la bria de sfoié câst tânt. |
Edito a cura della Parrocchia di S. Giacomo in Livinallongo
*Stòria 1940*Plié d'invièrn*Catarina Lanz*La pèrt daite*Le statue*I autèi* *Prevesc*Gliejie*Da Belluno a Livinallongo* |
website by nonobepi - tutto fai da me ... o quasi :-)