Curta stòria del Decanat e de la Gliejia da La Plié

Stòria 1668

Del 1668 l gran Decanat l se slèrgia fòra ncora de plu: l tòl ite la curazia de Calfosch, che la se destaca coscita da S.Cristina (Gherdâna) e dal Decanat de Ciastelrot (Diòzeji de Trânt). Calfosch, deberiada co l'esposidura de Corvèra, l rua sot al Plevân de Fodom e, sot a de dâl, l restarà per troc' agn. Del 1683 don Bartolomeo Caldonazzi l se da da fè per fe fòra bela la gliejia da La Plié. Ma ci che conta, che, davò gnânca cater agn,l129 de jenè del '89, sauta fòra n gran fuoch e va n cender la Plié con Sourarù. Le cinch ciampane le se delâga e le toma n tân de toc' ju de ciampanil. Ven refat su la gliejia; ven refat su l ciampanil; ven arjont prò na sesta ciampana. Su la maiou resta n cronogram da recordé l fat (na scrita che l'à nte le lâtre a numeri romani la data, 1683, de de câl aveniment) : E TVRRI COMBUSTA FLVI RVRSVSQVE REFVNDOR. Se rua al 1803. L é i agn de Napoleon. I Prinzipac' de Gliejia i ven secolariei: ié ven tout l podei ai prinzipi-vâscoi su l'aministrazion politica de le tière. Pièrt suo gran podei i vâscoi de Trânt e de Persenon. Del 1810 Ciaurì l ven destaché da la Diozeji de Persenon e taché pro câla de Belum. Sot La Plié l no tournarià plu. L medemo Comun da Fodom l passa per doi agn, dal '12 al '14, dal Tirol al Regno Italico-Napoleonico - Dipartiment de la Piave - Canton de Egort. Del 1818 al gran Decanat ién ven stracé via n auter tòch: la ploania de Vich de Fasca la rua sot Trânt. Fodom l resta sot a scior Degân de Marebe, 1'unica ploania senza gran mudazion ntei agn passèi. L ann davò, del 1819, scior Curat da Calfosch l tourna, ma per puoch, sot a sua vegla Diozeji de Trânt. Se dijâssa che l gran Decanat del 1603 l siebe per tre i ultimi. Nfati, l va ncora de plu n frâgole cânche, l 8 de jenè del 1824, La Plié la ciapa l titol de Decanat con Còl e Rèba sot a de dâla. Marebe e Fodom no n é plu auna. Nte câst nuof Decanat ié tourna ite, ai 28 de agost del medemo ann, Calfosch con Corvèra, ma per puoch che, del '27, i passa sot a la giurisdizion de Marebe. Del 1822 ven consacré la nuova cortina de Sourarù: n gran debujen n previjion del sgrandiment de la gliejia che la fossa vignuda a tò ite na pèrt de cortina dintournvia.

Edito a cura della Parrocchia di S. Giacomo in Livinallongo

*La Plié*Cânche*Autèi*Stòria 1140*Stòria 1454*Stòria 1668*Stòria 1830*
*Stòria 1940*Plié d'invièrn*Catarina Lanz*La pèrt daite*Le statue*I autèi*
*Prevesc*Gliejie*Da Belluno a Livinallongo*

website by nonobepi - tutto fai da me ... o quasi :-)