|
Curta stòria del Decanat e de la Gliejia da La Plié L ciastel d'Andrac' che l é 
Stòria 1140Se mossa se calé jù fin al 1140 per ciapé na chèrta che descore de na ploania nta Fodom, Fodom che, n chi temp, l vigniva clamé Perc, Perch, Puchperch, Puchenstein, e via coscita. Dan tèl document se podâssa pensé che bele trop davânt l eva na "cura d'anime" nte la val; magari ence n bon cin davânt dal Mile se volon cherì na relazion col Ciastel d'Andrac' ulache, come luoch de orazion, l eva ite na picola capela consacrada a S. Rafael, o percié nò magari ence a S. Gabriel Arcângel protetor de la fortâza. Del 1237 se sa den tèl "Puchardus in perch plebani", che volâssa di che se sa nen plevân sun sto pèrch de inom Pucard. Del 1339 l é nte la giurisdizion eclesiastica da Fodom le gliejie de Paluacia (soura Rèba), de Andrac', de Col e de Ciaurì, ulache l preve-plevân, o per dâl el vichère o plu tèrt el capelân, nte cièrc' momenti del ann l va a dì mâssa. Giusta troc' agn davò câste gliejie le vignarà auzade sù a Curazia con suo preve très ilò. Nos savon de segur che l ann 1585 l eva n curat ja Còl e un ja Ciauriìe I ann 1620 n curat a Rèba, e che duc' i dependâva da La Plié. Del 1350 la gliejia da la Plié e la cortina dintournvia le ven butade sotesoura e mbratade sù da saudèi de ventura che se batâva sot al sciòldo de câst o câl paron. L eva nlouta vièra dalvièrta ntra Stucons da lafòra e Avoscagn da lajù per el posses del ciastel d'Andrac'. Del 1401 ven metù su la pruma luoga da capelân n aiut del plevân che l no n é plu n grado de ministré da sol da sa na Rèba fin ja Ciaurì. |
Edito a cura della Parrocchia di S. Giacomo in Livinallongo
*Stòria 1940*Plié d'invièrn*Catarina Lanz*La pèrt daite*Le statue*I autèi* *Prevesc*Gliejie*Da Belluno a Livinallongo* |
website by nonobepi - tutto fai da me ... o quasi :-)