La gliejia decanal da La Plié
L guânt da fodoma da porté da bela festa
I autèi
Da na pèrt e da l'autra del auté l é doi bele cropie de len coi schienai
laorèi ite a la mòda dei confescionai, del batistèro prò l auté de la Madòna
e dei baldachins soura i sânc'.
I é stèi fac' da Bepo Zòco
(Roilo) d'Andrac'.
Câl gran auté l é dediché a
S. Iaco Maiou. Se ié fèsc
siègra la seconda domânia de
lugio e l 25 de lugio (siègra
dei prevesc).
L auté l é n stil gòtich. L é
sté fat sù da la firma Pancheri
e laoré pro da bogn maringons
del luoch. La pitura nta
mez, a òio, la mostra l apòstol
S. Iaco; l'é stada depenta dal
profescior E. Neri de Roma.
Come trop nte gliejia, ence câsta I'é datada 1929.
Nte le nisce, una per pèrt, ié fèsc compagnia al apòstol plu volù ben da
Signoregeju le statue de autri doi apòstoi: S. Simon e S. Tadeo: l prum
zuplé jù dan cièrto Iocl (G. Crepaz) da Chièrz e l secondo dan Rodolfo
Vallazza, doi fodomi che i eva jus n Gherdâna a laoré da chiena ite per i
pruns agn del 1900.
Den auter fodom come lori, très de m. 1,40 auta, l'é la statua del Cuor
de Geju nte la niscia sunsom al auté.
Duc' trei i autèi i pòrta la data de consacrazion 7 de jugn 1931.
Sul parei a mân ciâmpa l é doi afrâisc' che i raprejenta la Nativité e la
Sensa de nòst Signour. I é stei depenc' dal pitor G. Oberkofler de la Val de
Taufers l ann 1930. N auter pico afrâsch compagn l é susot celour e l
mostra le virtù teologai (fede, sperânza e caritâ).
Très su la ciâmpa se va nte sacrestia, ulache no n é nia de extra, senò la
statua de S. Floriân ntel piano desoura, prò autre ròbe per la liturgia de
gliejia, sânt che l ven porté nte dute le prozescion dai pompieri. Fin
davânt la vièra câsta statua I'eva dinongia auté su na corona.
Doi mendri autèi, compagn del gragn e laorèi ite compagn, i é a man
dârta e mân ciâmpa defòra da le mâscole. Nte un l é ite S. Ijep col Bam-
bin Geju sul brac' e nte câl auter la Madòna de Rosare.
Dârt zevila la statua de S.Ijep, proporzionada e ben vestida sù la Madòna
de Rosare.
S. Ijep l ven porté n prozescion dai pèresc n puo de temp e la Madòna
de Rosare da le tose col gurmèl blânch.
L auté de la Madòna l ven ence clamé auté de S.Felize per via de la
relicuia del Sânt nte cassa che se pò vedei daite de viere. Câsta relicuia
l'eva stada touta nte le catacombe de S. Priscila a Roma su la Via Salaria e
scincada n senn de amicizia a scior Degân da nlouta da Sua Santité l
Papa Gregorio XVI, belumat, papa dal 1831 ai 1846.
Cânche l é sautè fòra la vièra, l capelân militar De Sanctis l à coié su i
toc' e l i i portei jun Alie nte gliejia. La cassa col Sânt l'é tournada ndavò
sù, co na gran prozescion, ai 2 de novembre del 1926.
Ci n évelo de chisc autèi davânt de la seconda mesa del 1800? Se sa de
segur che l vâsco Conrad a la fin del 1400 l ava consacré, n viade che l eva
vignù ite nta Fodom, n auté a S. Roch (un dei Sânc' de la peste) ; e se sa
ence che, cânche l eva plevân scior Nani Gabrieli (1614-30) l eva sté metù
su la Confratèrnita del S. Rosare che, come dute le confratèrnite, l avarâ
bù plu che segur sua luoga de devozion nte gliejia (auté del Rosare?). Se
sa ence che scior Bartolomio Zardini (plevân dal 1841 al 1982) l ava fat
depenje le pale de S. Fonjo e de S. Angela da mâte soura doi autèi. Chèi?
Fazile chi che pò i avarâ ite la Madòna e S. Ijep.
* * *
La gliejia la se prejenta bela nâta, coi ciof dagnârà frâsc' sui autèi, con
dut n ordine. L é câst n senn de devozion e del ben che ié vòl a sua gliejia
chi da Fodom, l é câsta na sensazion plajâola, da giaude, per i foresti che
va ite nte gliejia per el prum viade.
|