Këto faqe nuk janë frut i mendjes dhe duarve vetëm të autorit të tyre. Shumë pjesë që kanë të bëjnë me historikun e SK Tirana dhe statistikat mbi të bazohen në librin e Bektash POJANIT "1920-1995: 75 vjet SK Tirana" (Shtypshkronja e Institutit Hidrometereologjik, Tiranë 1995), ndoshta i vetmi i këtij lloji deri më sot. Një pjesë e madhe e fotografive janë marre nga faqet internet "Futbolli Shqiptar" të gazetarit italian Giovanni ARMILLOTA, veçanërisht i dhënë pas historisë e sportit shqiptar, e sigurisht më patriot se shumë shqiptarë. Përsa i përket tabelës përmbledhëse të Kampionatit Kombëtar, jam mbështetur kryesisht në të dhënat e "International Soccer Server's" të Riku SOININEN dhe "The Rec.Sport.Soccer Statistics Foundation"

Pas disa përçapjesh të pafryta në të kaluarën, një ndihmë të konsiderueshme në jetësimin e versionit të ri të këtyre faqeve ka dhënë Sulejman MEMA, ish numër 5 i paharrueshëm, sot sekretar i SK Tirana. Po ashtu në versionin e ri, pjesa më e madhe e përkthimit anglisht i detyrohet Gens SHKODRES, i cili pranoi menjëherë dhe me kënaqesi këtë bashkëpunim.

Nuk mund të mos përmend këtu interesimin dhe nxitjen e vazhdueshme të zotërinjve të Sektorit të Personelit në Minstrinë e Arsimit dhe të Shkencës Ylli GJANÇI, Mustafa FANI dhe Ylber SHEHI. Së fundi, nuk kam nevojë të falënderoj publikisht atë që përpunoi variantin anglisht të versionit të parë të këtyre faqeve për t'i shprehur respektin dhe dashamirësinë time të pamatë.

This page in english