POESIE di NAPOLI
Senza di te la vita era niente, ma ora che ci sei anche il niente . . . è vita ! ! !
FELICITA' !
Vurriasapé ched'è chesta parola, vurria sapé che vvò significà.. Sarrà gnuranza 'a mia, mancanza 'e scola, ma chi ll'ha ntiso maje annummenà'.
'A vita 'A vita è bella, sì, è stato un dono, un dono che ti ha fatto la natura. Ma quanno po' sta vita è 'na sciagura, vuie mm' 'o chiammate dono chisto ccà? E nun parlo pe' me ca. stuorto o muorto, riesco a mm'abbuscà 'na mille lire. Tengo 'a salute, e, non faccio per dire, sòngo uno 'e chille ca se fire 'e fa' I. Ma quante n'aggio visto 'e disgraziate: cerate, ciunche, scieme, sordomute. Gente ca nun ha visto e maie avuto 'nu poco 'e bbene 'a chesta umanità. Guerre, miseria, famma, malatìe, crèstiane addeventate pelle e ossa, e tanta gioventù c' 'o culo 'a fossa. Chisto nun è 'nu dono, è 'nfamità.
VENTARIELLO
Aggarbato, frisco e ffino d' 'a matina 'o ventariello fa, ogni ghiuorno, 'e stu ciardino tutte 'e ffronne suspirà. Chiacchiarea, quase annascosta mmiez' a ll' ombra, na funtana, ca, sapenno 'a storia nosta, 'a vo' a ll' arbere cuntà. "Bene mio! - diceno 'e ffronne - Nientemeno accussì è nfama?" E cu ll' acqua, ca risponne, fanno nzieme uno ciu ciù... Tanto ch' io, ca guardo attuorno e passeo mmiez' a sti ffrasche, mme murtifico p' 'o scuorno, e mme mbroglio a cammenà...
'AMICIZIA
DURMI'
Stuto e appiccio 'a lampadina tutta 'a notte a ccapo o lietto: chella spina 'a levo e 'a metto ciento vote anfi' 'a matina. Mo m'avoto, mo me stengo, mo m'arrogno, mo me gratto. Mme cummoglio, smanio e sbatto pecché suonno nun ne tengo. Sento 'o vico ca se sceta, sento 'o tic d' 'a funtana; po' nu gallo, na campana. Sento st'anema scuieta. 'O craparo è già passato, 'a fenesta se janchéa. Pure 'o sorice smanéa dint' 'a carta d' 'o parato. Ah, durmì, durmi' a gghiurnate comme a quanno ero guaglione: ca, scialanno 'int' 'o spurtone, nun sentevo 'e ccannunate.
'A cunzegna
'A sera quanno 'o sole se nne trase e dà 'a cunzegna â luna p' 'a nuttata, lle dice dinto 'a recchia: "I' vaco a casa: t'arraccumanno tutt' 'e nnammurate".
DESIDERIO
Desiderio e te vede. Quanta voglia e te n' cuntrà. Si nà spina ca mo port rint o’cor, nu ma pozz’ cchiù levà. Sule tu me può salvà, facennete truvà. O sacce ca n’ciel mo tu stai E a du me nun può turnà. Aspiettm nun te scurdà Ca io cu te voglie restà. Desiderio desiderio e te vedè. Quanta voglia e te n’cuntrà.
'A PAURA
All'indrasatto triemme e 'o core te sbatte forte 'mpietto, accummience a sudà e t'accuve dint' 'o scuro, è 'na sensazione strana ca nun riesci a te spiegà. Spisso 'a paura vene senza nu mutivo, senza nu pecchè e chesto succede quanno tiene quaccosa ca te turmenta, te turmenta dinto e tu nun 'o saje nemmeno.