Poesieveneziane

Ama Idìo e non falire,

fa del ben e làsa dire,

làsa dir chi che se vol,

ama Idìo de bon cuor;

http://digilander.libero.it/pietates

POESIE
VENEZIANE

de bon cuor, de bona voce,

ama Idìo su la croce;

su la croce e la colona

ama Idìo e la Madona...

Quela fogia

La Mama Bela

Quela fogia
trasparente
in controluce,
che la se lassa
atraversar da la luce,
la me fa rifleter,
la me fa pensar.

Signor mio,
se me lasso
da la to luce atraversar
sarò anca mi
trasparente, luminosa.
Sarò sempre mi,
ma la to luce
iradierò gioiosa.

(Nenèi)

'Na Madoneta, là, s'un capitelo
puzà sora do pali, ne la laguna
sul bordo del canal, de fronte la Saca.
Acocolà su in sima, a far capelo,
un bel cocal, e altri i se raduna.
I sighi de 'sti osei e la risaca
xe i unici rumori e, se capisse,
ghe par de èssar stada sbandonada,
là, sola, fra le onde3 che la lambisse.
Po' un cadensar de remi. Se avissina
'na "sampierota" co' do pescaori.
Seragia i fa co' rede e co' palina.
Tanto i ga lavora e tanto assorti,
de la "Mama bela", là, sul capitelo,
par squasi che no i se sia inacorti.
Po' i zira la barca, e prima de andar via,
co' do remae i ghe va vissin.
I ghe borbota su n'Avemaria,
i cambia i fiori e i da ogio al lumin.

(Aldo Purisiol)

Co la me strada

Cantarò

Co la me strada
la deventa scura
me vien in mente
le parole del Papa:
"No ste aver paura!"
De boto me ritorna
'na sicuressa
in Ti, Gesù,
unica fortessa!

(Nenèi)

Cantarò na preghiera
e sonarò na musica
par 'e strade de 'a vita,
spetando de vèdarTe
e conòssar
na pase
che credevo
persa.

(Armando Mondin)

SCEGLI
PADRE NOSTRO	ASCOLTA, MIO DIO	BENEDICTUS	MAGNIFICAT
CANTICO DELLE CREATURE	ESORTAZIONE di S. Bernardo	VIENI, SANTO SPIRITO	HOME PAGE