Poesie iblee

O Matri di lu Lumi,

vui chi assunta

fustivu 'n Cielu

pri virtù divina!

Vi priegu:

http://digilander.libero.it/pietates

POESIE IBLEE

già chi dduocu

siti giunta,

di mia

nun vi scurdati,

o gran Rigina.

PRJIERA

PRISINTIMIENTU

Signuri, divàcami li vini
ca portanu sangu di tempesta
a lu cori.

Ìnchili di focu
ca brucia li fantàsimi
di li tentazioni.

Tagghia nni lu cori
la radicami di morti.
Fammi divintari

acqua ca porta a lu mari
lu cristallu di la sorgiva.
Vogghiu chiudiri li occhi

vasati di la To misiricordia.

(Carmelo Lauretta)

E' tempu
di pàrtiri.
La spiga di lu frummentu
ca s'ha gudutu lu suli
e lu virdi
è matura
pi lu colpu di fàuci.

Signuri,
manna 'n-àngilu
a pigghialla
e a mintilla nni li To manu
chini di misiricordia
pi falla pani di cielu.

(Carmelo Lauretta)

DEBITU CU LA MADONNA

Ncunfruntu a chiddu ca ni dasti
è sempri nenti
chiddu ca Ti damu, Vergini Santa.

N-abissu d'amuri
cu lu To sangu nutricasti
tuttu pi natri.

Ni li To manu
pusàu l'Eternu
la So misiricordia

e la facisti divintari
pani di libirazioni
e ni sfamasti.

Ni luvasti la morti di ncoddu
e la nostra casa
la inchisti di celu.

Comu si po' pajari
tantu dèbitu d'amuri!

(Carmelo Lauretta)

VENTU DI LU GOLGOTA

E lu ventu di lu Golgota
chiù va e chiù si senti sciusciari
nni lu munnu.

A tutti i parti di la terra
porta pinsieri
di paci
e du vrazza 'n cruci spalancati
di amuri.

Scurri ancora di la cruci
u sangu 'nnuccenti di Cristu
ca apri lu cori misiricurdiusu
di lu Patri
e adduma muntagni di luci
supra l'oceanu di fangu
di li piccati umani.

Di lu Golgota 'nsanguinatu
lu ventu nun finisci 'i sciusciari
finu a quannu nun arricogghi
all'ovili
tutti i picureddi dô munnu.

(Carmelo Lauretta)

ESORTAZIONE

Con la fede doniamo a Dio il nostro spirito,

con la speranza il nostro avvenire,

con la carità il nostro cuore,

con l'adorazione tutto l'essere nostro,

con l'abbandono la nostra volontà.

(Maria Stella Caruso)

SCEGLI
PADRE NOSTRO	ASCOLTA, MIO DIO	BENEDICTUS	MAGNIFICAT
CANTICO DELLE CREATURE	ESORTAZIONE di S. Bernardo	VIENI, SANTO SPIRITO	HOME PAGE