Poesie sarde

Babu nostu

chi ses in Celus,

santificau

siat

su nomini tuu.

http://digilander.libero.it/pietates

POESIE SARDE

Bengad'à nosu

su reinu tuu.

Siat fata sa voluntadi tua,

comenti in su Xelu,

aici in sa terra.

NADALE

Notte iscura, muda,
no ischimuzu de feras,
non boghes in s’istérrida alva.
Sos isteddos sunt pianghende
làgrimas de astràu.
S’aèra in mudèsa
càntigu est cantende
soberanu,
in s’àmina l’intendo.

Torrat Nadale.

Falat dae chelu
in chéjas lughìdas,
in piàttas e carrelas
a festa tramunadas,
in domo de su riccu
dae saràu incoronada,
inoghe, igùe…
inue bi ses tue
cun sa bértula piena…

Eàllu,
trazende pes,
che pedidòre
cun s’umbra sua
est avantzende…
Non b’at in ziru un’animale:
nottèsta est Nadale.
Isse est torrende
sena saccu,
sena pane,
frunidu ‘e penas:
su dolore
si l’idet in su chizu.

Est Nadale,
sa festa tua, Fizu…
Sa festa de su perdonu e de s’amore,
sa festa de su dolore,
sa festa de su tribagliu
sueradu santamente,
sa festa de sa zente
sidida de paghe,
festa de òmines
de bona voluntade.

(Nino Fois)

GIAMIDU DE AMORE

… E m'est amigu su bentu:
a manu isterrida sos fiores
sèmenat in tottue
pintende in sa campagna sos colores.
E-i su mare m'est amigu:
a sos frades de aterùe
sa gianna abberit de sa Terra mia,
s'aèra, su sole, sas marinas
a gosare in paghe e pasu.
E-i sas benas ierritzas:
dae su monte a s'adde
sa cantone murmutant manantiale.

E dae s'avreschida sa die
m'est amiga fin'a s’occasu
cando dae sas rundas attesu che càbulat,
indeoradas.
E amiga m'est sa lughe
e-i sos isteddos
chi lentore pioent a sas piaes
de custa Isula mia marturiada.

E-i sas pedras assentadas o derruttas
de sos runaghes antigòrios
chi su misteriu mi contant in mudesa
de su tempus barigadu
ue ant tentu
sas raighinas nostras devucas,
mi sunt amigas.
E tottu su mundu cant'est mannu…

…E amigu mi ses tue
frade de Cristos,
frade meu,
fizu de Babbu Nostru Soberanu,
biancu chi sies o nieddu,
riccu o poberu,
accurtzu o attesu,
in su gosu o in sas peleas
sutt'a s'arcada ìnnida
in bratzos a s'infinidu de s'univressu.

(Nino Fois)

SCEGLI
PADRE NOSTRO	ASCOLTA, MIO DIO	BENEDICTUS	MAGNIFICAT
CANTICO DELLE CREATURE	ESORTAZIONE di S. Bernardo	VIENI, SANTO SPIRITO	HOME PAGE