Vi
laudu e benedicu in tutti l'uri,
Vui fustivu dda bedda criatura
Diletta Matri di lu gran Signuri. |
Coroncina di
MARIA SS.
del Lume
|
comisani@libero.it
|
COMISO E COMISANI
Coroncina
di
MARIA SS.
del Lume
|
- Deus in adiutorium nostrum intende
R: Domine ad adiuvandum me festina
- Gloria Patri et Filio et Spiritui Sancto
R: Sicut era in principio et nunc et semper et
saecula saeculorum. Amen.
La prima pustina l'applicamu per lu Summu
Pontifici
O
Matri di lu Lumi, vui chi assunta
Fustivu 'n Cielu pri virtù divina!
Vi priegu già chi dduocu siti giunta
Di mia nun vi scurdati, o gran Rigina;
Faciti che chist'anima compunta,
Nun caschi in tentazioni, che ruina,
Mentri la mia lingua grazii cunta
Datimi aiutu, Stidda matutina
Pater,
Ave, Gloria
|
La secunna pustina l'applicamu
pri li nostri bisogni
O Matri di lu
Lumi Mia Signura,
Vi laudu e benedicu in tutti l'uri,
Vui fùstivu dda bedda criatura
Diletta Matri di lu gran Signuri.
Vi benedicu, Matri santa e pura,
Ché da vui s'incarnau lu Creaturi.
O Matri di lu Lumi, aviti cura
Di li poviri afflitti piccaturi.
Pater,
Ave, Gloria
|
La terza pustina l'applicamu
pri chiddi chi fatìcanu pri Maria
O Matri di lu
Lumi, vi salutu
Cuncetta senza macchia di piccatu,
Pri vui lu vostru Figgiu è cunusciutu
E di lu Cielu Re sulu aduratu.
O Matri di lu Lumi, dati aiutu
A cui di l'alma campa spinsiratu;
Faciti ch' a Vui un giornu pri tributu
Vi dassi lu me cori e lu miu sciatu.
Pater,
Ave, Gloria
|
La quarta pustina l'applicamu
pri cui fa l'elemosina
Cui li vostri
billizzi può ludari,
O Matri di lu Lumi casta e pia?
Vulissi di la vucca accuminzari,
Ma nun po' chista rozza lingua mia.
Lu Verbu eternu sulu lu po' fari
Cu la sapienza di veru Missia,
La mia lingua sulu po' gridari
Che a nui pri lumi fu data Maria.
Pater,
Ave, Gloria
|
La quinta pustina l'applicamu
pri li poveri piccaturi
O Matri di lu
Lumi, chi graziusa
Apriti a tutti lu pettu e la manu,
Mi rallegru cun Vui che siti Spusa
Di cui creàu lu generi umanu.
Pri vostra pietà, Matri amurusa,
Tiniti lu me pettu puru e sanu,
E quannu morirò tinìti chiusa
La porta di lu infernu di luntanu.
Pater,
Ave, Gloria
|
La sesta pustina l'applicamu
pri l'ammalati
Gran Matri di
Diu nostra Avvucata,
Vui dati li dovizii a sciumi a sciumi;
Facìtimi na grazia, o Matri amata,
Che sempri lu me cori pri Vui addumi,
Oh! si, Matruzza mia Immaculata,
Pirch' iu arrifurmassi li custumi,
E quandu nella morti si' chiamata
Viniti prestu, o Matri di lu Lumi.
Pater,
Ave, Gloria
|
La settima pustina l'applicamu
pri l'animi di lu Purgatoriu
Maria, chi
spissu aviti libiratu
Da lu demoniu chist' arma mischina,
Cui sa li mezzi che aviti tentatu
A spizzari di l'almi la catina? !
Ringraziamu a Diu che n'avi datu
Sta bedda luci di sira, e matina;
Dunca "viva Maria", chi n'ha chiamatu
Cu lu so lumi, e la grazia divina.
Pater,
Ave, Gloria
|
OFFERTA
|
Matri chi 'n
celu fùstivu 'ncrunata
Ni la menti di Diu prima chi nata,
E tantu rilucìstivu graziusa
Chi pri Matri vi scelsi, e figgia e spusa;
Matri, chi lu nnimicu di la luci
Vincìstivu, difisa da la cruci;
E Virginedda, ad onta di l'infernu,
Dàstivu carni a lu splinduri Eternu;
Pri cui da Iddu, ne li so' volumi
Fustivu scritta Matri di lu Lumi.
Oh comu, Matri bedda, si sculùra
Chista vita pri nui silvaggia e dura!
Oh comu 'ntra li tènibri a tantuni
Di la grazia di Diu imu dijuni!
|
Matri, accurriti,
e da lu malu erruri
Vardàtini binigna in tutti l'uri;
Matri, accurriti e dallu riu piccatu
Tirati li caduti a vostru latu;
Cui po' diri li modi chi tintati
Pri fari jornu all'armi scunsulati!
Di nui nun vi scurdati e all'ultim' ura
Mustràtici a Gesù, Matri e Signura;
E ni la luci di lu vostru visu
Abbivirati nostr' armi 'n paradisu.
Mentri ch' in terra a vui di maju li
sciuri
V'offrimu in signu di lu nostru amuri;
V'offrimu li spiranzi di lu cori,
Chi pri ludari a vui si struggi e mori.
|
|
per
tornare all'inizio della pagina
NOTA
In
sottofondo si può ascoltare il canto "MATRI DI
LU LUMI", il cui testo si legge nella secunna
pustina.
Questo canto, composto da Biagio Franco, è eseguito
dal maestro Marcello Serafini.
|
