Personale Viaggiante Fortezza


Vai ai contenuti

vaporiera

Berto

LA VAPORIERA
LA VAPORIERA

I la stapegà li i gà smontà le biele i la
scarnada tuta fin fondo ale buele
ghe resta sol le rude e la carnara a fumo
na scrita ormai sbiadida la setequarantuno.

Nel vedar mal ridota sta machina a vapor
ma ciapà un nodo in gola me sà strucado el cor.

Mi che lo vísta corar la sula Pusteria
come i cavai de rassa fa nela prateria
con la sciuma ala boca fumante de sudor
spuando sgense de fogo e sbufi de vapor.

La spaventava i cani svolava le galine
quando passava ela tremaa le traversine
la se ne fregava dei pasagi a livel
felice la fisciava ala bionda del casel.

Eccola elle la riva, vedo el penacio bianco
i siga dei studenti che a pena lassa el banco
guarda come la sopia madona le in presion
speren che non la scopia adeso quà in stasion.

Riparte come el vento la par un temporal
ma la sentiva dentro che la finiva mal
par tanto la coresse più forte adaa el progresso
quel che bastava ieri non và più ben adesso.

Cori cori più forte gò la coincidensa
el dise el militar che a casa el và in licensa
le come na lumaga quà non se riva mai
bíasterna come mati i poveri operai.

Te vedi ormai le vecia e piena de dolori
non me ne frega gnente ma basta che te cori
zo con la pipa del'oio, daghe na martelada
anca se la và sopa ma basta che la vaga.

I tà creà poareta non te sì nata siora
la gente come ti la crepa o la laora.

Cara così và el mondo te vol riconosensa
se non te servi più de ti i ghe ne fà sensa
e anca la regina del mezo de trasporto
la finirà a marsir su quel binario morto.

Berto 97.

D.P.V. | Berto | Gallerie | Aneddoti | Treni Stazioni | Contatti | Mappa del sito


Torna ai contenuti | Torna al menu