Personale Viaggiante Fortezza

Rumando un giorno in fondo a l'armaron
ho catado schisado in un canton,
soto a un gilè de me moíer
el me vecio capel da ferovier.

Visiera storta e l'ala rebaltà,
segni de tuto quel che l'à passà,
non l'è glorioso come quel d'alpín
anca se a olte el gà tirà visín.

Lu non l'à visto Fai e la Paganela,
ma l'à trincà coi frati a Novacela
nè l'alate vette con le stele alpine,
ma i pisacani fra le traversíne.

Lu nol distingue el Baldo dal Pastel,
però el resta sempre un gran capel
e fin che lo strensevo tra le man,
el pensiero mio corea lontan.

E rivedevo la me giovinessa
appena assunto e sbatù a Fortessa,
la me prima divisa nero fumo
e quanti bei P. 141.

Le sento porte coi bancai de asse
el veludo rosso nella prima classe,
el vapor bianco del riscaldamento,
fasea più caldo fora che non drento.

De note con na luce scagarela,
qua manca el piombo de qua ghe la forcela,
e ciapar de corsa na gareta,
l'è contro vento e te bateí brocheta.

Le soste longhe che fasei ai segnai
e quei minuti no i passava mai,
ma quando scominsia va i primi ciari
e te vedei ste file de binari

Alora te guardavi fora
le spenelade che fasea l'aurora
te passava el sono e la strachessa
e te diseví: «Cristo che belessa!"

E quando a casa tei fasei contenti
do olte al mese coi cambio indumenti,
mama sò che te fà piaser
son qua coi me capel da ferovier.

Lò messo in testa, son davanti al specio,
gavea du lagrimoni, poro vecio.

Berto 95