Personale Viaggiante Fortezza

LA ME SVELIETA

Ricordo lo comprada a Bressanon
in un negosio soto ,ai portegheti con la vetrina che fasea canton,
dove se fermava sempre i buteleti
coi oci spalancadi e i nasi in sù
par vedar se sonava quei cucù.

Me la venduda un cruco “ostia madona”
questa è una meccanica tetesca
ma mi non digo non la fusse bona
la me costada un ocio dela testa.

El gà d'à na bela caricada
le parti fasendo tiche tac
sentelo el coresin lassa chel bata
el tempo nol se pol fermar.

Ela la va che le na marveia
la dorme de giorno, de note la stà sveia
la vive li sentà sora el bufeto
la sona solo quando son in leto.

Mà un giorno stufo ò dito telo giuro
se non te tasi mi te stampo al muro.

Na note che dormivo della grossa
e che gavea da far el 7287
LE STADA SITA non la sa mai mossa
me son sveià che iera sà le sete.

Parea che la disese: sito contento
tò risparmia na note de acqua e vento.

Ma mi che ero ciapdo dalabile
ghe no comprada una con le pile,
fredda, precisa ma nata sensa el cor
l'era, come dir la difarensa che passa
da l'eletrico al vapor.

Cosi quando son dà in pension
mi l'ò tirada fora dal caseto
gò dito con umile perdon
fame sentir el tò cor così perfeto, amiga dei momenti bei e bruti
col tò tic tac te iè scandidi tutí.
Sarà che lò un po’ massa caricà

o ela la voludo far la fusta
le parti cantando tiche tac
la tira el fià e sa spacá la susta.

Berto 96.