Personale Viaggiante Fortezza

Un giorne rovistando so in cantina
me fiola la trovà na pignatina
l'era tutta sporca inpolvara
con na peada la la tratta in la

ì lavarà lassada ì muratori
quando ie vegnù far serti laori
o non savendo più a ci pensar
al nono quando l'era militar.

Alora mi tirandola visina
go spiegà parchè ghè sta pignatina.

Quando el to vecio viaggiava e me par ieri
ma ti stelassa mia ancor no te gheri
chi volea salvarse el stomaghin
el se portava appresso el pignatin
ghe ci gavea parfin la tovaieta
cortel cuciar e la forchetta
quattro dei de ciara minestrina
e un'aleta lessa de galina.

Ma ghera ci versea serte gamele
de bisi freschi con le taiadele
tirade dalla vecia alla mattina
con sinque ovi e un poca de farina.

Se metea a scaldar sulla scaldiglia
el polameno cotto con la griglia
e in poco tempo tutto el bagagliaio
el profumaa profumaa de struto e de formaío.

Se magnava così de strangolon
ma tutto quanto ne parea piu bon
e ala fine anca el boletin
o l'era onto ol savea da vin.

Si ma ti non te pol capir adesso
ti che tè si fiola del progresso
del forno a micro onde e dei fast food
quei tempi duri si la me gioventu.

Ecco cosa lè sta pignatina
la là lustraa
e adesso le in vetrina.