 1998 - 2007
 |
|
Toni e Teresina An vecét co la só spósa su i setanta ormai sonàdi a le nòze quele de òro bei contenti i é rivàdi l'é n traguardo importante al ghe dis a la Teresa intant che inseme a brazéto al marcà i fèa la spesa, invidon i nostri fiói co i parent an cin pì stréti tûti i nostri neodèt cussî bèi, fioi bènedéti al pensier de quei birbanti Teresina se comóve Toni, ride e l ghe dìs oh, atenti adès a'l piove. Se sion sempre olesti ben salvo qualche brontolàda co rivée su l'inpiza co na ciòca scuminziada te zighèa tuta rósa: bruto àsen, zarlatàn e mi gnèe su par le scale co le scarpe te le man. Riva al dì de la gran festa intorno a lori tanta qente, Toni tut tirà a lustro Teresina in permanente l'ha i denòci che ghe sgorla al so cor an rebalton come tanti anni prima, e l piovan fà la funzion po i ghe bùta sora risi Toni ride co' l magon l'òcio l'é n cin sul lustro anca lù par l'emozion. Dopo al pranzo in alegria tanta roba sana e bòna i neódi salta e ziga: Nono! daghe an baso a nòna, Toni fiero fà n galèt propio no l ghe bada a spese e a Teresa ghe ha stanpà an bel baso a la francese Da la foga, no se sà e ve conte robe vere pan ferét maleducato ghe se ingancia le dentiere Tutti rosi pore vèci te sta posa sconveniènte ma i ridéa anca lóri insieme a la so gente e ridèa anca i dotori n'infermier co la barèla anca un tutt ingesà che girèa in carozèla po con pinze e caciavide finalmente i li ha stacà da sto baso senza fine i era ormai sul senza fià Toni ros come an capòn Teresina sbachetàda po i se varda entro i òci e i se fà na sganasàda Te se senpre stàt tremendo te sto tenp che l'é pasà ma n basin cusî potente giuro no l'ho mai ciapà Gino Tramontin |
'Na strada Con cin de catrame na strada steràda l'é stata giustada visin l'elezion, l'era mal dotorida l'era piena de bùs te corèa fa 'n s-ciùs pasando de là. l'èra senza cunéte l'èra senza canài e ghe olèa i stivai co l piovea doi di. ma, ghe n'era piante de bredoi de talpoi, de noghèr an buscat de rosèr rose rosse de spin. Far doi pas co na tosa e sentarse tra i fiór par parlarse d'amór se passèa de là. Ma 'n dì riva na ruspa mandà dal Comune. con carét de bitùme par stropar tuti i bùs. Giuro mi no capise parchè i bus de ste strade i gnene stropàdi co gnen l'elezion. E l'é n'altro mistero che mi non capise strade ancoi bèle lise e doman, tut an bùs, parche, co scampà l'é l Comune de la SIP riva i òmi che con pale e piconi i te torna a far bùs, doi tré dì de sta storia con cartèi e segnài po i te pianta doi pài e ti stropa anca i bùs; S-campà quei de la SIP ecco riva an furgon co na pala e 'n picon é ti torna a far bus, ghe n'é un che laora altri quatro che varda l'é de l'ENEL na squadra che prepara an tombin pian pianin senza pressa dura doi setimane po con cin de catrame i te stropa dò i bus E cussi tutt a l'an la và avanti sta storia nostro vanto e gran gloria, la ciamon civiltà. Ma, cussi l'é pèdo de alora sto quà l'é l progrèso e questo l'é l prèzo che ne toca pagar. E le rose de spin come ele ndate a finir tùte piene de smir le se ha quasi secà |
website by nònobepi 1998-2007 - Tutto "fai da me" o quasi