 1998 - 2007
 |
| Belùn desmentegàda Belùn desmentegàda da l resto de l'Italia gente che no sà gnanca se a l mondo ti te sé. Belùn, l'emigrazion la to pi gran risorsa, tosàt scanpadi presto che pi no tornerà. Belùn desperàda par tùti i to malàni. so o par gran disgrazie i ha parlà de ti. Belùn maltratada da dighe rotte e frane. morti ormai smentegàdi te i piande solo ti. Belùn mal ciapàda se i varda la to targa i dis che l'é Betlemme mai vist però a l Signor A l se ha fermà a n cin prima tra la pianura e l Piave lasù te le montagne, a l dis. de sigur no l'é nesun. se avèa a n Papa bòn, a n Papa da Belùn, a n nese a Roma e l'ê mòrt, da la disperazion, ma i giornài de tùta Italia, sti grandi zarlatàn, i dis, che l'é nasést a Agordo a n bèl paesét furlan. avón montagne bèle che no à propio nesun ma par la RAI-TV no l'é in provincia de Belùn. Chissà parché se'l nevega sui posti da sciar l'é sempre in Alto Adige Belùn la par su l mar, infàti i te fà veder Venèsia e la laguna la piaza de S. Marco e i colonbi che là s'ingruma. Belùn indormenzàda poregràma de Belùn l'é ora de sveiàrse non sion propio nesun, bùta via la to pelàgra và in zima a l Pis Pilon e cònteghe anca a l vent la to disperazion e 'l vent a l contarà in giro le to péne e i profumi de sta tèra al porterà insieme profumi de montagna senza potàci o fùn profumi sani e s-céti profumi de Belùn. Gino Tramontin |
Era na òlta....la neve Me pense, co se era picenini le dàlmede par scarpe quà te i pié con i calzét de lana monesini che se te i zerca ormai pi no ghe né, li fèa me nòna entro te le stàle co n bòcia che scoltèa le storie cet de fòra le slusèa le prime stéle e l'aria la bechèa e l'era frét. L'inverno ormai rivèa quà de corsa al cielo pien de nèole e tutt biso piena l'era de neve la so borsa in facia a i bòcie se stampèa an soriso. Insieme al vent girèa na fulisca bianca, lidiéra, fresca e monesina stràca, a la fin se poia su na frasca tuta contenta d'eser rivà prima, bòcie de corsa su par le sofite e tut an rebalton lasù te sent al ferio i tira fòra e anca le slite e do pa 'i còi veloci come a l vent. Po, pasa i ani e se rebalta al mondo ormai solo an ricordo i ani bèi la neve resta si an divertimento ma intorno a ela gira an sac de schèi, al temp al pasa svelto e fila via al mondo cambia masa e cusì, le robe bèle e con cin de poesia ti te le perde e no te le càta pì. Da 'n poc de temp quasù no riva inverno le nèole no le riva e no le stà al sol te l cielo azuro resta fermo e al slusa come fuse piena istà, da 'n poc de temp al cielo no l'é bìso fulische bianche no le gira pi te i bòcie no se slàrga an bèl sorìso le slite do pa i còi no le và pì. Na olta ne contèa le storie i nòni de re e principese co i afàni con personagi tristi e quei pi bòni Pinòchio, Biancaneve e i sète Nani, Noialtri contaron na storia vera: rivèa la neve bianca su de qua che a l sol se desleguèa a primavera e adès fursi de noi la se ha stufà. |
website by nònobepi 1998-2007 - Tutto "fai da me" o quasi