Bbona sera a quista casa
e a tutti quanti mò l’abitanti.Simu vinuti mo’ munti munti,
cari patruni mo’ facimu li cunti.
Simu vinuti
mo’ macche macche,
imu lassate le sole e le scarpe.
E venga Cristu
mo’ cu li Santi
ne tescia aiutu e sarvazione.
E osci, osci se
fa missione,
ca osci Lazzaru è risuscitatu.
E Diu ve manna
na bbona annata
e cu le pecure e cu le capre,
e cu cavaddhi e
cu sciumente
e quantu voi desiderate.
E’ arrivata
la Santa Pasqua
ne dati l'ove te la puddhrascia,
e se nu ne tati
mprima
ne dati quiddhre te la caddhrina.
E Santu Lazzaru
osci è Cristu
e sia lodatu mo’ Gesù Cristu.
Sciamu a casa de
Simone,
addhrai scìu Cristu per fare la cena,
|
a na sciuta
portara Cristu
a na turnata cu pene e cu guai.Ppe’ trenta denari canciara
Cristu
li sacerdoti e li farisei.
O che doja, o
che dolore
ca ippe Marta la Maddalena,
colle sue
lacrime, i suoi piedi bagnava,
coi suoi capelli se li sciugava.
O che doja, o
che dolore
ca Giuda fose lu traditore,
Giuda fose lu
traditore
tradìu Cristu nostru Signore.
Pe’ nu votu
de suo fratellu
ca quante pene ippe a soffrire.
Nui pregamu
Gesù Bambinu
cu ne tescia mo’ pane e vinu.
Sta vinimu te
susu le macchie
imu cunsumatu la sola alle scarpe.
Santu Lazzaru,
meu tignusu
ca pe scuffietta, purtavi lu fusu.
Santu Lazzaru
mo’ l’imu dittu,
e salutamu Gesù Cristu.
|
