preghiere calabresi

E da inda a sta cappella

c´è Maria che è tantu bella,

ca liggia e ca scrivia

e lu Bambinu in brazzi tinia

http://digilander.libero.it/pietates

PREGHIERE CALABRESI

All'una di le stelle,

scioglitilli sti biondi capelli,

ca su fatti anelli anelli:

evviva Maria e quantu si bella!

Preghiera a Sant'ELENA (recitata a Reggio Calabria)	Preghiera alla Madonna del Rosario (recitata a Rizziconi - Reggio Calabria)
Sant'Elena 'mperatrice, figghia di lu rre di Custantinopoli, pi' mari isti e pi' mari vinisti, la Cruci 'i Gesù Cristu ritrovasti, non è minzogna, no, ch'è verità, fammi a grazia pi' carità! Pater noster.........	O Maria di lu Rosario, lu Vostru manto è necessario. Vui a mia m'aviti a iutari, da sti guai m'aviti a cacciari.
Preghiera del mattino (recitata a Laureana di Borrello - Reggio Calabria)	Preghiera della sera (recitata a Laureana di Borrello - Reggio Calabria)
Gesù, quandu mi levu la matina dicitimmìllu Vui com’hàju a ffari; mandàtimi l’Angelu pe’ guida, pe’ nommu cadu ‘n peccatu mortali. (questa preghiera viene recitata al risveglio mentre si fa il Signu di la Cruci)	Gesù mio, sàcciu la curcata ma non sàcciu la levata: l’anima mia cu’ Vui è raccumandata; ca’ se lu nemicu venissi e jeu non lu sentissi, Vi fazzu la curpa mia ora pe’ tandu. (alla fine della preghiera si recita il Confiteor)
Preghiera alla Santa Vergine (recitata a Laureana di Borrello - Reggio Calabria)
Vàju pe’ la strata e pe’ la via e m’affrùntanu Gesù e Maria: "Bongiornu a Vui, Rigina, tuttu lu mundu pe’ Vui s’inchina e sempri s’inchinerà pe’ la Vostra dignità; ca’ Vui siti la mamma e Vostru Figliu è gigliu: prima salutu la Matri e po’ lu Figliu!	Le tre preghiere recitate a Laureana di Borrello sono tratte dal libro: “Storia e folklore calabrese” di Domenico CARUSO - Centro Studi “S. Martino” - S. Martino (RC). Esse sono state raccolte dall’Autore dalla viva voce di nonna Vincenza Femìa.

Preghiera alla MADONNA (recitata a Catanzaro)
Bona sera, Madonna mia, Vi saluta la serva vostra, sette voti e settecentu salutamu lu Sacramentu. Salutamulu in tutti l`uri, ca n`e` natu nostru Signuri dalla Vergina Maria. Bona sera, Madonna mia.
Preghiera a San MICHELE (recitata a Catanzaro)	Preghiera a San VITO (recitata a Catanzaro)
O San Micheli u piu, t`adoru comu nu Dio, u Diu cchiu` fideli. Fammi sta` grazia San Micheli.	San Vitu di Nazzaru bellu assai, pienu di gloria siti vui, tantu cchi aviti li grazie assai, potenza di Diu portatala Vui.

Preghiera a GESU' BAMBINO (recitata a Serra San Bruno - Vibo Valentia)	Preghiera a S. ANTONIO ABATE (recitata a Vibo Valentia)
Bambinuzzu di juocu a fora vienitindi alla casa mia, ca Ti cuonzu nu lietticiejju, cu la povera anima mia. Anima mia non stari cumpusa, ca Gisù ti vo' pi sposa ca ti ama e ti guverna e ti duna la vita eterna. Bambinuzzu niesci all'abballu, ca lu chianu è tuttu lu Tue, duvi puosi lu pediciellu nescia nu ggigghju di vasilicò.	Sant'Antoni di l'Abbazia, novi lampi ajumavi pe' via una di chiji ajumatimindi a mia. Taula cunzata, chiesa apparata, vigna carricata, Vui di jà facitimi bona strata; Vui, Sant'Antoni, l'aviti di fari, Vui la grazia m'aviti di dari!
Preghiera alla Madonna della Montagna (recitata a Capistrano - Vibo Valenzia)
Maria de' la muntagna siti bella ca de' lu cielu Vui siti la stella e de' lu mare siti la funtana e grazi cuncediti a cu' Vi chiama. Maria de' la muntagna bella assai, curunata de' stelli siti Vui; quandu mi sientu abbandunata assai, Maria de' la muntagna, chiamu a Vui. Sia gloria a' lu Patre e a' lu Higghiu e a' lu Spiritu supernu, chi fu sempe in eternu e nei secoli sarà. Questa preghiera si recita come un rosario: per 10 volte si alternano le prime due strofe; infine (al posto del Gloria) si recita la terza strofa. La festa della Madonna della Montagna si celebra la seconda domenica di agosto.

Per la collaborazione ringraziamenti a Giuseppe Dominelli, Assunta Fradella Savage,
Rosa Falbo Fradella, Domenico Caruso, Lino Fera, Francesco Lo Preste