Abate Giovanni Conia (1752-1839)
Giovanni Conia nacque a Galatro nel 1752 e morì ad Oppido, dov'è sepolto, all'età venerabile di 87 anni, nel 1839.
Molte sono le questioni sollevate dalle incerte notizie che si hanno intorno alla sua vita. Conia, invitato a Roma dai superiori e nominato predicatore apostolico così da poter parlare in presenza del Papa nella Cappella Sistina, preferì tornare nella sua diletta Galatro. Fu successivamente parroco di Caridà; ebbe il governo della chiesa di Zungri; fu arciprete della chiesa di Santa Maria degli Angeli e di San Giorgio taumaturgo a Laureana di Borrello e nel mese di maggio del 1826 entrò nel capitolo di Oppido.
Grazie ai suoi meriti di teologo, di oratore, di umanista, il venerabile abate fu chiamato a far parte dell'Accademia Florimontana di Monteleone, e il principe Filangelo Vibonese, al secolo Don Raffaele Potenza, che ne era il fondatore, lo accolse col nome di Floribo Elidonio.
Le sue opere sono di carattere religioso ed in parte di carattere satirico.

CANTATA PER IL NATALE 1834

Chi notti è chista?
Chi su sti vuci?
Comu sta luci
Cumpariu mo?
Su di allegrizza
Sti canti e soni:
Nc'è cosi boni,
Fortuna nc'è.
Li petri juntanu
L'omani abballanu
L'angeli cantanu
La lla ra rà.
Mancu li griji
Stannu a lu pratu;
Nu nivolatu
pe ll'aria va.
Chi nc'è di novu?
Tuttu lu beni
Supra ndi veni:
Ecculu ccà.
Lu mundu è sarvu:
Lu Sarvaturi,
Lu Redenturi
Cumparsi già.
Eu sugnu mbriacu
Pe tantu preju:
Cchiù non mi reju
Ma chi nc'è ccà?
Cotrari e serpi,
Surici e gatta
La fannu patta;
Mali non nc'è.
Ficiaru paci
Lupi ed agneji,
Farcuni e oceji;
La guerra und'è?
Mo lu leuni
Non irgi crigna,
Mansa e benigna
La tigri sta.
Chi su sti cosi?
Vinni la paci:
A tutti piaci
La carità.
Lu Ddeu di amuri
Figghiu divinu
Nasciu Bambinu
Ecculu ja.

*********

AD UN CANONICO, CHE BENEDICEVA LE CASE,
UNA CAGNA GLI LACERO' IL ROCCHETTO

Su Judici sentiti la ragiuni:
Vogghiu giustizia cuntra di na cani;
Ma pe sguinciu nci trasi lu patruni,
Chi a cani maccrijati duna pani.
Canonacu su eu, non su luntruni
Benedicia li casi, ed a li mani
Avia la sponza: jivi a la fujuni:
Li mali attuffi li cridia luntani.
Junta na cani, (vidi chi spassettu!)
Mi scianca lu rocchettu, erramitati!
Chi vi pari? voliti mu mi apprettu?
La cani mò a la morti cundannati:
Lu patruni mu paga lu rocchettu:
Capistivu? è giustizia? decretati.

*********