'Sa gh'ho de fà?
Un language pack l'è un tipu da acesòri da Firefox cunt denta i informaziun par vidé l'interfaccia in 'na certa lengua. Ogni language pack al dupera un codice par la lengua ch'al gh'ha denta, e a partì da Firefox 1.5 ul schema di codici a ga va adree a la RFC 3066.
La versiun da Firefox in talian, par esempi, la dupera ul codice it, che l'è 'na furma semplificava da it-IT (ul talian parlaa in Italia).
Par 'na lengua che la sumeia al lumbard nord-ucidental (o insübric), l'è saltaa föra ul codice roa-IT-ins, che al saria par 'na lengua rumanza (roa, codice SIL), parlava in Italia (IT), cunt ul nom ins (inventaa par l'occasiun).
La manera da duperà ul language pack dul sit, in general, l'è 'sta chì:
- Sa ciapa 'na versiun ufficial da Firefox (quela in talian, par esempi, che la dupera ul codice it), e a ga sa instala sura ul language pack (codice roa-IT-ins).
- Dopu, i lenguf dispunibil a sarann dò. Quand a sa fa partì Firefox, basta digh da duperà la lengua cunt ul codice roa-IT-ins, e ul giögh l'è fai.
Te podat duperà 'na versiun qualsiasi
Te podat duperà 'na versiun qualsiasi da Firefox (in ingles, frances, talian, eccetera), ma ul language pack al dupera sempar ul codice it par certi preferenz da configuraziun che gh'han denta i URL duperaa par l'interaziun cunt i server da Mozilla.
Par i detaj, guarda la seziun Magagn.