Cambià la lengua
In general, par cambià la lengua a gh'hin dò straa: 'n'acesòri ch'al sa ciama Locale Switcher e ul parametro UILocale.
L'effett sü la preferenza da configuraziun general.useragent.locale, che te podat vidè se te verdat l'indirizz about:config in Firefox, l'è impurtant par i interaziun da Firefox cunt i server da Mozilla (guarda la seziun Magagn par i detaj).
La tabela chì sota la riepiloga i valur du la preferenza in di versiun in talian e ingles da Firefox ('mé esempi).
| Condiziun | Talian | Ingles |
|---|---|---|
| Senza language pack (valur predefinii) | it |
en-US |
| Language pack cunt lengua cambiava da Locale Switcher |
roa-IT-ins |
roa-IT-ins |
| Language pack cunt lengua cambiava da UILocale |
it |
en-US |
Locale Switcher
Cunt 'sto acesòri, ul cambiament du la lengua l'è ul püssee facil pusibil.
- Instala Locale Switcher e fa' ripartì Firefox.
- Cata föra Strumenti > Lingue (o ul cumand cumpagn in du la lengua che te duperat) e schiscia sü roa-IT-ins (par mò, a podum mia fà vegnì föra quaicoss da different dul codice du la lengua).
- Fa' ripartì Firefox par vidé cambià la lengua (se te vörat turnà indré, cata föra Strüment > Lenguf e schiscia sül nom de la lengua uriginal).
UILocale
Par cambià la lengua du l'interfaccia, sa pò anca fà partì l'eseguibil da Firefox cunt ul parametro UILocale e cunt ul codice du la lengua, roa-IT-ins. Ul cumand par fà partì Firefox l'è:
firefox -UILocale roa-IT-ins
Chì sura, firefox l'è l'eseguibil o ul script ch'al fa partì Firefox, e al dev vèss in dul percurs dul tò sistema par scrival inscì.