Menu principale:
Favignana
A vuci da me terra
Tu ca si luntanu
e nun canusci la me terra
e 'ntra lu so distinu
vidi sulu mafia e guerra.
Tu l'ha vistu mai all'arba u suli
quannu u mari l'arruspigghia
e cu so caluri asciuga lu suduri
di la me genti ca travagghia.
Tu l'ha vistu mai
u lustru di lampari
dintra li nostri cori
quannu puru u duluri
stancu di tuppuliari
addiventa amuri.
Si, tu mi po diri
picchi mi scrivi sulu cosi duci
senza mai numinari
tutti li cristi misi 'ncruci
e ti rispunnu
tu l'ha 'ntisu mai
a vuci da me terra
è na puisia
l'autri cosi
nun fannu parti
ne di la genti
ne di la terra mia.
(Michelangelo Balistreri)
La voce della mia terra
Tu che sei lontano
e non conosci la mia terra
e nel suo destino
vide solo mafia e guerra
Tu l'hai visto mai il sole all'alba
quando il mare si sveglia
e con il suo calore asciuga il sudore
della mia gente che lavora
Tu l'hai visto mai
la luce delle lampare
dentro i nostri cuori
quando pure il dolore
stanco di bussare
diventa amore
Si, tu mi puoi dire
perchè mi scrivi solo cose dolci
senza mai nominare
tutti i cristi messi in croce
e ti rispondo
tu l'hai sentito mai
la voce della mia terra
è una poesia
le altre cose
non fanno parte
nè delle genti
nè della terra mia