|
|
| Ppì la to terra | Darria na casa, sempri
si cunta, c'erà un pedi di cannameli facìa li puma, senza la iunta, quantu li gargi i Raffieli. Sti beddi tempi ora finieru li puma tutti 'nmpurrieru matri Natura già s'arrabbiau e tutta a campagna cangiau. Ora un c'è mmiernu e mancu stasciuni c'è d'intra a stu barraccuni manca a paci e a carità. Spuntau na rosa d'intra la grasta di lu barcuni a nonnò, ppì abbiviralla l'acqua un c'abbasta ie un iuornu sì e un iuornu nò. Poviru sciuri di la Natura cu ti lu dissi 'i spuntari? 'ncapu sta terra la vita è dura e c'è picca tempu di stari. Ppì la tò terra: Pietà! Ppì la to mamma:Pietà! la cantu all'omu di città, la cantu all'omu di ccà Michele Giunta |
||
|---|---|---|---|